Nord Stream 2 gasbidea gelditzeko presioa areagotu egin da Alemanian
Tentsioa areagotu egin da Europar Batasunaren eta Errusiaren arteko harremanetan. Navalni oposizioko buruzagia kartzelatu, Borrellek Moskura egindako bidaiak porrot egin eta diplomazialariak kanporatu ostean (EBko hiru —suediar bat, poloniar bat eta alemaniar bat—, eta, erantzun gisa, hiru errusiar), zalantzak agertu dira Nord Stream 2 gasbidea eraikitzeko lanen inguruan. Gasbide horrek aurkari asko ditu Europar Batasunean eta Ameriketako Estatu Batuetako administrazio berrian, EBren Errusiarekiko dependentzia energetikoa handiko lukeela uste baitute.
Alemaniako prentsari egindako adierazpenetan, Frank Steinmayer Errepublika Federaleko presidentea gasbidearen alde agertu da, energia baita “EBren eta Errusiaren arteko harremanetan zubi bakarra”, eta Alemaniako naziek Sobietar Batasunaren inbasioa erreparatzeko modu bat izan daitekeela esan du, sobietar lurraldean 20 milioi biktimatik gora utzi baitzuen.
Adierazpen horiek haserrea piztu dute Ukrainan, eta Berlinen duen enbaxadoreak, Andrij Melnyk-ek, “zinikoak eta amorragarriak” direla esan du, gertakizun historikoak gogora ekarrita nazien terrorearen sobietar biktimen artean errusiarrak soilik aipatzeagatik, Ukraina ere Sobietar Batasunaren barruan baitzegoen garai hartan.
Ukraina Nord Stream 2 gasbidearen aurka dagoen herrialde kritikoenetako bat da. Aurreikuspenen arabera, urtean 55.000 milioi metro kubiko gas eramango du Errusiatik Alemaniara, Baltikoan zehar, Ukrainatik igaro gabe. Gaur egun, Ukrainak kobratu egiten du errusiar gasa bere lurraldetik eramaten dutelako Europara. Gasbide berria bukatutakoan, Errusiak nabarmen murriztuko du Ukrainan zehar garraiatuko duen gas kopurua.
Navalni auziaren ostean, begi guztiak Angela Merkeli begira daude orain. Proiektu estrategiko honen alde egin arren, Alemaniako kantzilerrak ez du inoiz ofizialki babestu. Proiektu pribatua dela eta ez duela hori debekatzeko arrazoirik ikusten esan du.
Europar Batasuneko estatu kide batzuk, Frantzia eta Polonia, esaterako, gasbide horren aurka daude, baina formalki inork ez du oraingoz gelditzeko eskatu.
Zure interesekoa izan daiteke
EBk "trantsizio demokratikoa" egiteko aukera ikusten du Venezuelako egoera
Bruselak "prozesu politiko inklusiboa" eskatu du, Maria Corina Machado eta Edmundo Gonzalez aintzat hartuz.
Zortzi hilabeterainoko kartzela-zigorra ezarri diete hamar laguni, Brigitte Macroni ziberjazarpena egiteagatik
Parisko auzitegiak baldintzapeko zigorrak, isunak eta hauteskundeetarako gaitasungabetzea ezarri ditu. Epaileek frogatutzat jo dute mezu maltzurrak eta buloak nahita zabaldu zituztela, besteak beste, Brigitte Macron gizon jaio zela.
Venezuelak baieztatu du Kubako 32 borrokalari hil zirela AEBren erasoan
Venezuelako Gobernuak omenaldia egin die hildakoei, eta Kubak dolu nazionaleko bi egun ezarri ditu, Nicolas Maduroren bahiketarekin amaitu zen operazio militarraren ondoren.
Txinak Maduro "berehala" askatzea eskatu du eta nazioarteko zuzenbidea urratzea leporatu die AEBei
Txinako Atzerri Ministerioko bozeramaileak ohartarazi duenez, Washingtonek indarra erabiltzea arriskutsua da Latinoamerikako eta Karibeko bakearentzat eta egonkortasunarentzat.
Horrela prestatu zuen AEBk Maduro atxilotzeko "erabateko konponbidea" operazioa
Donald Trumpek AEBren historia militarraren "eraso zehatzenetako bat" bezala deskribatu duen operazioaren xehetasun batzuk eman ditu. Ameriketako Estatu Batuetako Armadak hilabeteak zeramatzan Nicolas Maduro eta bere emaztea harrapatzeko erasoa planifikatzen.
AEBk Groenlandia "behar" duela azpimarratu du Trumpek, segurtasun arrazoiengatik
"Groenlandia behar dugu segurtasun nazionalagatik. Une honetan oso leku estrategikoa da, Errusiako eta Txinako ontziz betea", azpimarratu du Donald Trumpek Air Force One hegazkinean egindako adierazpenetan.
Delcy Rodriguezek elkarrizketarako deia egin du, eta Trumpek Venezuelako petrolioa eta baliabideak "erabat kontrolatzea" eskatu du
Rodriguezek Washingtonekin negoziatzearen alde egin du berriro ere. AEBko presidenteak, ordea, adierazi du Venezuelako Gobernua Amerikako Estatu Batuen "ardurapean" dagoela.
AEBk Venezuelan egindako erasoa izango du hizpide gaur NBEko Segurtasun Kontseiluak
Kolonbiak bultzatu du premiazko bilera horren deialdia, eta Errusiak eta Txinak ofizialki babestu dute proposamena. Bakeari eta nazioarteko segurtasunari egindako mehatxuei buruzko eztabaida gisa sailkatu dute 10:00etan (15:00ak GMT) hasiko den hitzordua.
Gaur eramango dituzte Maduro eta emaztea New Yorkeko auzitegi federal batera
New York Hegoaldeko Barrutiko Auzitegiko bozeramaile baten arabera, Alvin K. Hellerstein epaile federalaren aurrera eramango dituzte Manhattanen, deklara dezaten, 12:00etan (17:00 GMT).
Suitzako sutean hildako 40 lagunak identifikatu dituzte eta erdiak adin txikikoak ziren
22 hildako suitzarrak ziren, 7 frantziarrak, 6 italiarrak, bi errumaniarrak, bat portugaldarra, bat belgikarra eta beste bat turkiarra. Adinari dagokionez, gehienak 14 eta 17 urte bitartekoak ziren, eta gainerakoak 18 eta 39 urte bitartekoak.