Espainiak Fronte Polisarioko buruzagia ospitaleratu eta Maroko haserretu du
Marokoko Gobernuak "Espainiaren jarrera" deitoratu du gaur, Brahim Ghali Fronte Polisarioko buruzagia hartu eta ospitaleratzeagatik. Mendebaldeko Saharako agintaria osasun arreta jasotzen ari da koronabirusarekin kutsatu ondoren.
"Marokok desengainua hartu du, auzotasun onaren aurkako ekintza delako, herri marokoarrarentzako funtsezko gai bat delako", azaldu du Marokoko Atzerri Ministerioak agiri batean.
Ricardo Diez-Hochleitner Espainiako enbaxadoreak Atzerri Ministerioan bilera izan zuen atzo, Rabaten, "bere Gobernuaren jarreraren inguruko beharrezko azalpenak emateko", dio agiriak.
Iturri berdinak erantsi duenez, Ghali hartzeko erabakiak "onespenik eza" eta "galdera legitimoak" sortzen ditu: "Zergatik Espainiak Ghali ezkutuan eta pasaporte faltsurekin onartu du?".
"Zergatik ez zion Espainiak Marokori abisua eman?; zergatik onartu zuen nortasun faltsuarekin?; zergatik Espainiako Justiziak ez die oraindik erantzun biktimek aurkeztutako salaketei?".
Besteak beste, Kanarietako Terrorismoaren Biktimen Elkarteak (Acavite) Ghali "hilketengatik berehala atxilotzea" eskatu zuen larunbatean.
Era berean, gobernuz kanpoko beste erakunde bat Auzitegi Nazionaleko Fiskaltzarekin harremanetan jarri da, Ghali deklaratzera deitzea eskatzeko.
Fronte Polisarioko buruzagiaren aurkako kereila aurkeztu zuen elkarte batek, eta Auzitegi Nazionalak ikerketa abiatu zuen 2021an, Saharan genozidioa, torturak, hilketa eta desagerpenak egotzita, baina sekula ez zuten galdekatu, eta auzia artxibatu zen.
Arancha Gonzalez Laya Espainiako Atzerri ministroak ostiralean argudiatu zuenez, Espainiak Ghali "arrazoi humanitarioengatik soilik" hartu du. Espainia "herrialde arduratsua da betebehar humanitarioekin", gaineratu zuen.
Zure interesekoa izan daiteke
Europako lehen hantabirus kasua atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.