New Yorkeko Fiskaltzak ikerketa kriminala abiatu du Trumpen enpresen aurka
New Yorkeko Fiskaltzak iragarri du ikerketa kriminala jarri duela abian Trump Erakundearen kontra, AEBko presidente ohiaren enpresa taldearen aurka, delitu fiskalengatik egiten ari diren izapideetan ustezko krimenak ere jaso dituztelako.
Fiskaltza delituak ikertzen aritu da Trumpen enpresetan, zerga eta maileguekin lotuta, baina orain bulegoak jakinarazi du "izaera kriminaleko" izapideak abiatu dituztela.
Albistearen berri izandakoan, Trump presidenteordeak esan du prozesua "ustela" dela, eta delitu bat leporatzeko ahalegin "etsia" besterik ez dela, James fiskalak ustez bere aurka abiatutako "kanpainaren" baitan.
"Esan zuen aukeratzen zutenean nire higiezinen negozioen 'alderdi guztiak' ikertzeko erabiliko zuela bulegoa. Berak esan zuen salatu egingo ninduela, eta harrotasunez esan zuen niretzako benetako burukomina izango zela", adierazi du Trumpek Jamesen bideo bati erreferentzia eginez.
"Demokrata hauek, Washingtonen laguntzarekin, milioika boto-emaileren ahotsa isilarazi nahi dute, ez dutelako nahi Trump berriro aurkeztea. Bitartean, New Yorkeko espaloietan sekula baino jende gehiago hiltzen ari dira, eta drogak eta mota guztietako krimenak ugaritzen", adierazi du.
Hain zuzen ere, New Yorkeko Fiskaltza erregistroen faltsutzeak, zerga iruzurra eta aseguruekin egindako iruzurrak ikertzen ari da. Era berean, Trumpen lau higiezinen proiektu dituzte jomugan, eta Buffalo Bills futbol amerikar taldea erosteko saiakera.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.