Laguntza humanitarioa sartzen hasi da Gazan, su-etenaren bigarren egunean
Gazak eta Israelek nolabaiteko barealdia bizi dute gaur, ostiral goizaldean indarrean sartu zen aldebiko su-etenaren ostean. 2014ko gerratik izandako garairik gogorrenean, 248 palestinar hil eta 1.948 zauritu ditu Israelek eta 12 israeldar hil eta 357 zauritu dituzte palestinarrek.
11 egunetako bonbardaketen ostean, "hondakinak erretiratzen ari dira errepideetatik", eta kaltetutako ur instalazioak eta argindar lineak konpontzeko lanean ere ari dira, Nazio Batuen Erakundeko Gai Humanitarioak Koordinatzeko Bulegoak (OCHA) jakitera eman duenez.
Atzo hasi zen material humanitarioa sartzen Gazara Kerem Shalomeko bidegurutzetik, maiatzaren 10ean indarkeria oldea hasi zenetik itxita egon ostean.
Gainera, Errusiako Gobernua eta Osasunaren Mundu Erakundea (OME) Palestinara medikuntza baliabideak bidaltzeko aukera aztertzen ari dira, Errusiako Atzerri Ministerioak jakinarazi duenez.
"Larrialdi Egoeren Ministerioa OMErekin proiektu bateratu bat garatzea aztertzen ari da, gaixotasun ez-kutsakorren tratamendurako hamar modulu eta behar kirurgikoetarako beste hamar modulu emateko Palestinako Osasun Ministerioari", larunbat honetan publiko egindako oharraren arabera. 100.000 gaixori lagundu ahal izango zaiela hiru hilabetez eta 1.000 ebakuntza kirurgiko egin ahal izango direla kalkulatzen du Errusiako Gobernuak.
Ministerioak gogorarazi duenez, "laguntza hau inoiz baino beharrezkoagoa da Palestinarentzat, egoera oso zaila bizi baitute", eta "azkenaldiko egoerak Sputnik V txertoa bidali eta jasotzeko Palestinarekin dugun lankidetzari eragin ez diezaion lan egingo du Gobernuak" gehitu dute.
Milaka lagunek elkartasuna adierazi diote Palestinari Londresen, martxa batean
Bestalde, milaka herritar bildu dira Londresko erdigunean, palestinar herriari elkartasuna adierazteko. Palestinaren "askatasuna" eskatzeko pankartak eta banderak soinean zituztela, Victoria Embankment inguruan bildu dira manifestariak, Hyde Park parkera abiatu aurretik.
Larunbatean Londresen izandako manifestazioaren irudia. Argazkia: EFE
Downing Streetera (lehen ministroaren egoitza eta bulego ofiziala) iritsi direnean, Boris Johnson buruzagi kontserbadoreari "Boris Johnson, lotsatu zaitez" oihukatu diote.
Manifestari askok azaldu duenez, "Israel egiten ari den okupazioaren amaiera" eskatzeko atera dira kalera, "ama, aita, anaia, arreba eta haurren bonbardaketak eta hilketak" salatzeko.
Zure interesekoa izan daiteke
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.