EBk Bielorrusiari aireko eremua ixtea erabaki du eta isun ekonomikoak iragarri ditu
Europar Batasuneko 27ek Bielorrusiako hegazkinei aireko eremua ixtea eta Batasuneko aireportuetako sarbidea galaraztea erabaki dute. Halaber, Europako aire-konpainiei Bielorrusia gainetik ez ibiltzeko eskatu diete. Igandean, Roman Protasevich kazetari disidentea atxilotzeko, Minskek Ryanairren hegaldi bat lur-hartzera behartu ostean, Europako Kontseiluak bilera egin du eta Bielorrusiaren aurka zenbait neurri hartzea adostu dute.
Horrez gain, Bielorrusiako sektore ekonomikoei zuzendutako zigorrak prestatu ditzatela eskatu diote Europako Batzordeari eta Josep Borrell Kanpo Politikako arduradun nagusiari. Egun, EBk Bielorrusiako 88 agintari eta zazpi erakunde ditu zerrenda beltz batean.
Europako Kontseiluaren ebazpenaren arabera, EBko buruzagiek gaitzetsi egiten dute gertakari "onartezina" eta "aurrekaririk ez" duena, eta Roman Protasevich eta Sofia Sapega bere bikotekidea libre uztea eskatzen dute.
Europako Kontseiluaren goi-bilera hasi aurretik, agintari asko agertu dira Bielorrusiaren aurkako neurriak hartzearen alde.
Pedro Sanchez Espainiako Gobernuko presidenteak berretsi du "erabat onartezina" izan zela gertakaria, eta esan du aurre egin behar zaiola "beste herrialde batzuetan eskatzen diren ezaugarri demokratikoak" betetzen ez dituen Bielorrusiako erregimenari.
"Bahiketa onartezina da", azpimarratu du Ursula von der Leyen Europako Batzordeko presidenteak, bilerara iritsi denean, eta "ondorio larriak" izango dituela ohartarazi aurretik.
2.500 hegaldi
Aurreko astean 2.500 izan ziren EBko aireporturen batetik abiatu eta Bielorrusiako aire eremua igaro zuten hegaldiak. Horietatik, 419 Belavia Bielorrusiako estatu konpainiarenak izan ziren.
Europar Batasuneko hiru aire konpainiak eskaintzen dituzte Bielorrusiarako hegaldi zuzenak: Lufthansak, LOTek eta Air Bailticek, baina azken horrek iragarri du bertan behera utzi dituela hegaldiak behin behinean.
BIDEOA | Atxilotutako kazetariak ondo dagoela adierazi du, sareetan zabaldutako bideo batean
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.