Parlamentua bertan behera utzi eta diputatuei immunitatea kentzeko erabakia luzatu dute Tunisian
Kais Saied Tunisiako presidenteak luzatu egin du Tunisiako Parlamentua bertan behera utzi eta Parlamentuko diputatuei immunitatea kentzeko erabakia, "beste abisu bat eman arte".
Tunisiako Presidentetzak jakitera eman duenez, duela hilabete ezarri ziren salbuespenezko neurri horiek luzatzeko agindua eman du Saiedek. Era berean, Hichem Mechichi ordura arteko lehen ministroa kargutik kendu du, Gobernuaren kargu-uztea eskatzen zuten protesten ostean.
Tunisiako Konstituzioak Parlamentua desegitea onartzen ez duen arren, bere funtzioak 30 egunez etetea onartzen du, eta hori eskatu zuen presidenteak. Oposizioak, bere aldetik, haren ekintzak gaitzetsi ditu, eta "estatu-kolpea" egitea leporatu diote.
Eskumen guztiak bereganatu ostean, Tunisiako presidenteak adierazi zuen bere erabakia aurreko egunetan pandemiaren, ustelkeriaren eta krisi ekonomiko larriaren kudeaketaren aurka egindako mobilizazioen erantzuna zela, eta Konstituzioan oinarrituta jokatu zuela gaineratu zuen.
Hala, presidenteak esan zuen ez dituela bere eskumenak gainditu nahi, ezta diktadore bihurtu ere, eta ziurtatu zuen Fiskaltzaren buruzagitzan ustelkeria susmagarrien aurkako ikerketak bultzatuko zituela.
Ennahdak zuzendaritza-batzordea desegin du
Bestalde, herrialdeko krisi politikoaren testuinguruan, Ennahda alderdi islamistak bere batzorde exekutiboa desegingo duela iragarri zuen astelehenean, etapa berriaren parean alderdi berri bat sortzeko helburuarekin.
Rachid Ghanuchi Ennahdako buruak azaldu duenez, batzordeko kide guztiak kargutik kentzea erabaki dute, "etapa berrirako eskakizunei" erantzuteko eta "beharrezko eraginkortasuna" lortzeko, TAP Tunisiako agentziak zabaldutakoaren arabera.
Bulego berria osatu arte lanean jarraitzeko deia egin die Ghanuchik batzordeko kideei, eta, bestalde, krisi politikoa kudeatzeko batzordeak bere misioarekin jarraituko duela aurreratu du, herrialdea "salbuespenezko egoera" horretatik ateratzen laguntzeko.
Zure interesekoa izan daiteke
Bi egunez luzatu dute Flotillako bi aktibisten atxiloaldia
Thiago Avila brasildarra eta Saif Abukeshek palestinar-espainiarra dira Flotilla Global Sumuden parte hartzeagatik Israelgo indarrek atxilotuta dituztenak.
Trumpek esan du AEBk "5.000 militar baino askoz gehiago" erretiratuko dituela Alemaniatik
Bestalde, Iranek gerrarekin amaitzeko bidali dion plana laster aztertuko duela adierazi du.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.