Hauteskunde legegileen azken eguna Errusian, aldaketarako esperantzarik gabe
Errusiako hauteskunde legegileen hirugarren eta azken egunean jada itxi dituzte hautesleku batzuk ekialdeko lurraldeetan, eta bederatzi ordu geroago itxiko dituzte mendebaldean.
Kamtxatka eta Txukotka izan dira hauteslekuak ixten lehenengoak, eta bertan, Errusiako behe Ganberako diputatuak aukeratzeaz gain, eskualdeko parlamentutako ordezkariak ere hautatuko dituzte.
Nazio mailan, Errusiako Dumako hauteskundeen lehenengo emaitzak Euskal Herrian 20:00ak direnean jakingo dira, Kaliningradeko hauteslekuak ixten dituztenean.
14 alderditako 5.800 hautagai aurkeztu dira 450 eserleku betetzeko, tartean 10 hautagai independente.
Dumako ordezkariez gain, boto-emaileek federazioko beste 12 agintari eta 39 eskualdetako parlamentuak hautatuko dituzte.
Errusia Batuak, Kremlinen agintea duen Vladimir Putinen alderdiak gehiengo konstituzionala berritu nahi du. 2016an 334 eserleku erdietsi zituen, eta 330 behar ditu.
Vtsiom iritzi publikoko ikerketak egiten dituen zentroaren azken inkestaren arabera, Errusia Batuak botoen % 29,3 lortuko ditu, eta atzetik komunistak izango ditu, % 16,6arekin.
Parlamentuan sartzeko aukera dute berriro Alderdi Liberal Demokratikoko ultranazionalistek eta Errusia Justua koalizio sozialdemokratak. Jende Berria alderdi berriak ere badu aukeraren bat Parlamentura lehenengo aldiz iristeko.
Yabloko liberala izango da hauteskundeetan parte hartuko duen Parlamentutik kanpoko oposizioko alderdi bakarra, baina Alexei Navalni presoaren jarraitzaileek ezin izango dira hautatuak izan.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.