Munduko Osasun Erakundeak 2022ko uztailaren hasiera ezarri du biztanleria osoaren % 70 txertatuta edukitzeko
Munduko Osasun Erakundeko (MOE) zuzendari nagusi Tedros Adhanom Ghebreyesusek dei egin die herrialdeei, eta 2022ko uztailaren hasiera ezarri du biztanleria globalaren % 70i txertoa jartzeko epemuga gisa.
"Gobernuek, industriak eta gizarte zibilak gurekin lan egitea nahi dut, data honetarako herrialde guztietan txertoak % 70 estaltzea helburu duen kanpaina batean", iragarri du Nazio Batuen Osasun Erakundeko buruak asteazken honetan emandako prentsaurrekoan.
Zehazki, "herrialde aberatsetako liderrak" eta "fabrikatzaileak" aipatu ditu helburu hori lortzeko elkarrekin lan egin dezaten. "Nazionalismoa epe laburrean gainditzeko eta herriak eta ekonomiak etorkizuneko aldaeren aurka babesteko unea da hau, txertoen arloan munduan dagoen desberdintasunari amaiera emanez", nabarmendu du.
Hala eta guztiz ere, deitoratu du ez dela lortu MOEk proposatutako helburua, hau da, 2021aren amaierara iristea txertatutako munduko biztanleriaren % 40arekin.
Era berean, Tedrosek azpimarratu du 2022an covid-19ari aurre egiteko tratamendu berriak "herrialde guztietan eskuragarri" egongo direla. "Eta pertsonak une egokian tratamenduan jarriko direla bermatzeko, leku guztietan lortu behar ditugu probak", esan du.
"Osasun arloko segurtasun ezarekin amaitzea da oraindik pandemiarekin amaitzeko gakoa", adierazi du, eta pandemia hau luzatzen den heinean, "litekeena da aldaera berriek neurriak saihestea eta egungo txertoen edo aurreko infekzioaren aurrean guztiz erresistenteak bihurtzea". Horretarako, txertoak egokitu egin beharko dira, behin eta berriz.
"Txertoaren edozein eguneratzek hornikuntza-eskasia berri bat ekarriko luke, eta, beraz, garrantzitsua da tokiko fabrikazio-hornidura handitzea pandemia hau amaitzen laguntzeko eta etorkizunerako prestatzeko", esan du Tedrosek.
Hala eta guztiz ere, MOEko zuzendari nagusia baikor agertu da; izan ere, bere ustez, 2022a "pandemiaren etapa akutuarekin amaitzeaz gain, osasun segurtasun sendoago baterako bidea egiten den urtea izan daiteke".
Zure interesekoa izan daiteke
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso trukatuko dituzte.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.