Gogor gaitzetsi ditu nazioarteak Butxako "gerra krimenak"
Charles Michel Europako Kontseiluko presidenteak esan du Europar Batasunak zigor gehiago jarriko dizkiola Errusiari, Ukrainako Butxa hirian izan diren "izugarrikeriak" direla eta. Gutxienez 400 zibilen gorpuak aurkitu dituzte bertan, horietako asko eskuak lotuta eta fusilatuta.
"Kasua nazioarteko auzitegietan epaitu ahal izateko beharrezko frogak bilduko ditugu", esan die Michelek Ukrainako Gobernuari eta gobernuz kanpoko erakundeei, eta "EBren zigor berriak eta babes handiagoa bidean daude", iragarri du.
Ursula von der Leyen Europako Batzordeko presidenteak ere, gaitzetsi egin ditu Errusiako Armada erretiratu ondoren aurkitutako "ondorio konponezinak", eta "premiazko ikerketa independentea" eskatu du. "Arduradunak epaituak izango dira", esan du.
Josep Borrell EBko Atzerri Arazoetarako eta Segurtasun Politikarako goi-ordezkariak nabarmendu duenez, "EBk Ukraina babesten du gerra krimenak dokumentatzeko. Kasu guztiak Nazioarteko Zigor Auzitegian epaitu behar dira".
Antony Blinken AEBko Estatu idazkariak igande honetan esan duenez, Butxako irudiak "ukabilkada bat dira sabelean". "Ezin gara horrelakoen aurrean bihozgabe bihurtu. Ezin dugu normalizatu. Hori da egunero gertatzen ari denaren errealitatea", ziurtatu du AEBko Estatu idazkariak.
Estatu Batuetako, Erresuma Batuko, Alemaniako, Frantziako, Espainiako eta beste hainbat herrialdetako gobernuetako ordezkariak ere antzera mintzatu dira azken orduotan.
Christian Lindner Alemaniako Finantza ministroak iragarri du Europako aliatuei dei egingo diela astelehen honetan bertan, Errusiaren aurkako zigorrak gogortzeko: "Bihartik aurrera gure kideekin eztabaidatuko dugu nola gogortu ditzakegun Vladimir Putin Errusiako presidentearen aurkako zigorrak", jakinarazi du Lindnerrek Twitterren. "Butxako irudiek Ukrainaren aurkako gerraren izaera kriminala erakusten dute. Jasanezina da", gaineratu du.
Liz Truss Erresuma Batuko Kanpo Arazoetako ministroak Ukrainako zibilen aurkako "erasoak" ikertzeko beharra defendatu du. "Ez dugu onartuko Errusiak bere inplikazioa desinformazio zinikoarekin estaltzea, eta Errusiaren ekintzak argi eta garbi geratzea bermatuko dugu", azaldu dio The Guardian egunkariari.
Butxako zibilen heriotzari buruzko ikerketa independentea eskatu du Nazio Batuen Erakundeak
Antonio Guterres NBEko idazkari nagusia erabat hunkituta agertu da Butxako irudiak ikusita, eta ikerketa independentea eskatu du gertatutakoaren inguruan. "Erabat hunkituta nago Ukrainako Butxa hirian hildako zibilen irudiak ikusita. Funtsezkoa da ikerketa independente bat izatea, arduradunak zigortzeko", adierazi du Guterresek ohar labur batean.
Moskuk ukatu egin ditu akusazioak, eta Ukrainak egindako "muntaia" dela salatu du
Bien bitartean, Errusiako Defentsa Ministerioak ukatu egin du Butxan gerra krimenik egin izana. Bertan eman dituzten 6 asteetan "bertako biztanle bakar batek ere ez du indarkeriazko ekintzarik pairatu", esan dute, eta bitartean, "ukrainar indarrek eguneko 24 orduetan zehar bonbardatzen zuten hiria, kalibre handiko artilleriarekin, tankeekin eta suziri anitz jaurtitzeko sistemekin".
Ministerioaren arabera, "errusiar unitate guztiek utzi zuten Butxa martxoaren 30ean", eta hurrengo egunean Butxako alkateak ez omen zuen hildakoen berri eman.
Hala, hirian dauden gorpuen "argazki eta bideo guztiak Kieveko erregimenak mendebaldeko hedabideentzat egindako eszenaratzea baino ez dira, bere garaian Mariupolgo ama eta ume jaioberrientzako ospitalearekin gertatu bezala", azaldu dute. Hildakoak prentsa hirira iristearekin batera "atera" direla salatu dute.
Albiste gehiago mundua
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.