Hondakinak
Ukrainako gerran, gerra gehienetan bezala, leherketek eragindako kea ezabatzen denean, egun edo ordu batzuk lehenago arte, jende arruntaren bizilekua ziren eraikuntzen egitura biluziak azaltzen zaizkigu. Gatazka honetan, berriz, ez dugu apenas zuzeneko enfrentamendurik ikusi. Eztanden ondorengo sua eta amorruaren txikizioa dira iritsi zaizkigun irudiak: desegindako tankeak, zuloz betetako errepideak, birrindutako burni eta harri puskak nonahi, atsekabeak eragindako negar malkoak eta zakurrek usaintzen dituzten gorpuak. Telebistek etengabe etxeratzen dizkiguten irudi hauek, oinazea eta sufrimenduak eragindako tragedia begien aurrean jartzeaz gain, betirako bukatu diren bizimoduak eta hartu-emanak gogoratzen dizkigute.
Ukrainan, amaigabea uste genuen bake garaia amaitu zaigu Europan. Nazioarteko harremanak, azken 30 urteetan mugarik gabe garatu den globalizazioa deitu duguna, iragana bihurtu du gerra honek. Bigarren Mundu Gerra ondoren sortutako munduaren antolaketak antzinako kontua dirudi. Atzo arte sendoa eta aldaezina zirudienaren ahuldadea agerian geratu zaigu.
Ukrainako katastrofeaz batera, aspaldi errotutako orekak dardarka dira. Frantzian, presidentetzarako hauteskundeetan, urte askotako antolaketa politikoa deseginda dagoela ohartu gara. Alderdi tradizionalek, Frantziaren gaur egungo egituraketa politikoa eraiki dutenek, Mariupolgo eraikuntzen gisa, agerian utzi digute biluzik daudela eta erakusten diguten egiturak ezingo diola eutsi hurrengo astinduari. Frantsesek esan digute, gainera, orain artekoak ez duela balio, jarduera politikoa ezin dutela alderdi hauek bideratu. Irabazleek herria eta eliteen arteko dikotomia azpimarratu dute behin eta berriz. Politikoak ez ditugula behar, herriaren borondatea gauzatzen jakingo duten lider indartsuak baizik.
Eta Frantzia ez da edozein herrialde. Gaur egungo gizarte demokratikoaren oinarriak bertan sortu ziren, gizakion eskubideak eta berdintasunaren beharra bertan aldarrikatu zituzten lehen aldiz. Nazioartean, aldiz, gero eta gehiago dira giza eskubideen beharra gutxietsi eta jokaera demokratikoa alboratu daitekeen lasta dela uste dutenak. Han eta hemen itxuraz indartsuak diren liderrak azaltzen ari dira, urteetan euren boterea sendotu dutenen irudiko… Oso denbora gutxian, zuzenak eta ezinbestekoak iruditzen zitzaizkigun bizi baldintzak eta harreman ereduak arriskuan daudela egiaztatu dugu, eta ordezko eskaintzen zaigunak Historiaren garai beltzenetara itzultzeko ateak irekitzen dizkigutela, azken finean orain arte izan duguna borroken eta aukeren ondorio izan delako, eta ez zerutik eroritako dohaina.
Zure interesekoa izan daiteke
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.