Errusiak baliabideak handitu ditu Izium inguruan, Donbassen erasoak areagotzeko asmoz
64. eguna du Ukrainako gerrak, eta ez dago inolako zantzurik Errusiak erasoaldia eteteko asmorik duela esateko. Azken orduetan, Errusiako Armadak tropak eta armak bildu ditu Izium inguruan, Donbass eskualdetik gertu, Errusiarekin mugan.
Errusiako Indar Armatuen Estatu Nagusiko buruak sare sozialetan argitaratu duenez, "etsaiak erasoak egiten jarraitzen du lurraldearen ekialdean, Donetsk eta Luhansk eskualdeen gaineko kontrol osoa ezartzeko eta Krimearekin (hegoaldean) lurreko korridore bat mantentzeko".
Era berean, adierazi du Errusiako tropak euren gerra jarduera areagotzen ari direla ia norabide guztietan. Eraso gehien Slobozhansky aldean (Zaporizhia hegoaldean) ari dira egiten, Kharkivetik gertu, baita Donetsken ere. Azken hori, Luhanskekin batera, errepublika independente aldarrikatu zuten, eta Moskuk biak onartu zituen.
Mariupolen bonbardaketek ez dute etenik
Bien bitartean, Errusiako Armadak 50 aire eraso baino gehiago egin ditu bart Mariupolen, Ukraina hegoaldean, eta lehergailuen artean "fosforo bonba ugari" zeudela jakinarazi du Azoveko talde armatuak.
Talde militar horretako 500 kide inguru, mila zibil ingururekin batera, Azovstal instalazio siderurgikoetan daude, hau da, errusiarrek Mariupolen oraindik mendean hartu ez duten eremu bakarrean.
Hasieran ia milioi erdi biztanle zituen Mariupolek, eta errusiarren erasoek ia erabat suntsitu dute; Errusiako Armadaren arabera, hiri osoaren kontrola lortu dute, Azovstaleko siderurgia-lantegia izan ezik.
Testuinguru horretan, NBEk ziurtatu du Mariupolen ebakuazio-saiakera bat prestatzen ari dela. Une honetan 100.000 pertsonatik gora egon litezke errusiarren setioak harrapatuta. "NBE erabat mobilizatuta dago bizitzak salbatzeko eta behar dutenei laguntzeko", esan du Osnat Lubrani NBEren Ukrainarako koordinatzaileak Twitterren.
Odesak tropak bidali ditu Transnistriako mugara
Ukraina hegoaldean eta Itsaso Beltzaren ertzean dagoen Odesa eskualdeko defentsa-indarrek, berriz, Moldaviako mugaren babesa indartu dute, azken egunotan Transnistria Moldaviako errepublika separatistan istiluak izan ondoren.
Serhii Bratchuk Odesa eskualdeko administrazio militarreko bozeramaileak Telegramen esan duenez, neurri hori "Errusiaren probokazioaren aurrean hartu da".
Gerra krimenak ikertzen laguntzeko eskatu dio Guterresek Errusiari
Antonio Guterres NBEko idazkari nagusia Ukrainan dago egunotan. Hitzaldi batean Butxa udalerrian egindako gerra-krimenak ikertzen laguntzeko deia egin dio Moskuri.
"Errusiako Federazioari nazioarteko gorte kriminala onartzeko eta hari laguntzeko eskatzen diot", esan du Guterresek Butxako hobi komunera egindako bisitan, eta Nazioarteko Zigor Auzitegiaren ikerketari "erabateko babesa" eman dio.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.