Al Yazeerak espedientea igorriko dio Hagako Auzitegiari Israel epaitu dezaten kazetariaren hilketagatik
Al Yazeerak Shireen Abu Akleh kazetari palestinar-estatubatuarraren hilketari buruzko espediente bat bidaliko du Hagako Nazioarteko Zigor Auzitegira, Israelgo segurtasun indarrak epai ditzaten.
Qatarreko telebista kateak azaldu duenez, nazioarteko koalizioa osatu du eta fiskalari aurkezteko espedientea prestatzen ari da; izan ere, "hilketa edo kazetarien aurkako eraso fisikoa gerra krimena" da, Nazioarteko Zigor Auzitegiaren gutunaren 8. artikuluaren arabera.
Palestinako Aginte Nazionalak, bestalde, ustez Israelek egindako hainbat krimen ere igorri ditu Hagara. Besteak beste, Jeninen (Zisjordania) Israelgo segurtasun indarrek egindako operazio batean hil zuten kazetariaren auzia.
Wafa agentziak jaso duen Akram al Jatib Palestinako fiskal nagusiaren txostenaren arabera, Abu Akleh bala batek jo zuen bera babesten saiatzen ari zenean, eta tiroak zuzenak eta nahita egindakoak izan ziren.
Gainera, txostenak azaltzen duenez, bala Israelgo Defentsa Indarrek (FDI) erabili ohi duten modeloa da, eta 170 metro inguruko distantziatik jaurti zituzten, "aldez aurretik abisatu gabe". Hala, Al Jatibek nabarmendu du heriotza gertatu zen lekuan jaurtigai ugari topatzeak baieztatzen duela Israelgo segurtasun-indarretako kideek hiltzeko asmoa zutela, eta kazetariari laguntzera joan zirenei ere tiro egin zietela.
Beraz, fiskal nagusi palestinarraren arabera, frogek baieztatzen dute ez zela liskar armaturik izan inguru horretan. Horrek agerian utziko luke Abu Akleh hiltzea Israelgo indarrek egindako gerra krimena dela.
Bestalde, Riyad Mansur Palestinak NBEn duen enbaxadoreak Segurtasun Kontseiluaren bilera batean esan duenez, kazetariaren hilketa "ez zen akatsa izan". "Ez gaituzte akatsez hiltzen, baizik eta diseinu handi baten parte gisa, inor salbu ez dagoela denok uler dezagun", adierazi du.
Zure interesekoa izan daiteke
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.