Rotara bi gerra-ontzi eta 600 soldadu estatubatuar gehiago bidaltzea adostu dute Sanchezek eta Bidenek
Joe Biden Ameriketako Estatu Batuetako presidenteak eta Pedro Sanchez Espainiako gobernuburuak Rotako itsas basean (Cadiz) presentzia militar estatubatuarra areagotzea adostu dute. Bi gerra-ontzi destruktore gehiago bidaliko dituzte, NATOren misilen aurkako ezkutua sendotzeko. 2014tik eta 2015etik lau gerra-ontzi ditu Washingtonek bertan.
Aldebiko bileran, Bidenek eta Sanchezek adierazpen bateratua sinatu dute, Moncloa jauregian, NATOren goi-bilera hasi baino lehen.
Duela 40 urte Espainiak NATOrekin bat egin zuela gogora ekarri du Bidenek: "ezinbesteko aliatua bihurtu zen".
1988an sinatutako akordio militarra berretsi dute bi buruzagiek. Itunak Moroneko (Sevilla) eta Rotako baseak erabiltzeko aukera ematen dio Washingtoni. Bi herrialdeen arteko lankidetzan "funtsezko tresna" dela esan dute bi agintariek.
Zentzu horretan, defentsan lankidetza "zabaltzeko" asmoa iragarri dute, "Rotan gerra-ontzi estatubatuar gehiago ezarriz". Dagoeneko lau destruktore ditu AEBk itsas basean, baina orain beste bi bidaliko dituzte.
Gainera, Washingtonek beste 600 soldadu estatubatuar eramango ditu Rotara. Horretarako, lankidetza hitzarmena erreformatzea beharrezkoa izango da. Honenbestez, Ministroen Kontseilutik pasa beharko du, eta Diputatuen Kongresuak onartu.
NATOrentzako une erabakigarrian, Espainiak goi-bilera "benetan historikoa" hartuko duela adierazi du Bidenek, Errusiak Ukraina inbaditu ondoren.
"Espainiak Madrilen antolatutako goi-bilerak NATO kontzeptu estrategiko berri baten inguruan baturik egotea ziurtatuko du, mehatxu transnazionalen eta etsai estrategikoen aurrean Aliantzaren erantzuna gidatzeko; segurtasun testuinguru arriskutsuago bati aurre egiteko NATOren politikek eta jarduera militarrek baliabide gehiago izateko", azpimarratu du.
AEBko buruzagiaren hitzetan, une erabakigarria da, Ukrainaren inbasioak Europako bakea eta II. Mundu Gerrako arauak "astindu" dituelako.
"Ukraina laguntzeko eta gure disuasio eta defentsarako gaitasun propioak hobetzeko baturik gaude", nabarmendu du Bidenek. Bestalde, Ukrainako gerra hasi zenetik, AEBk Europan indarrezko jarrera sendotu duela erantsi du agintariak.
"Espainiaren eta Ameriketako Estatu Batuen adierazpen bateratu berriarekin oso pozik nago, bi herrialdeen arteko harremanak eguneratu eta sendotuko dituelako", esan du Sanchezek.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.