Salman Rushdie idazlea sastatu dute ekitaldi batean, New Yorken
75 urteko Salman Rushdie idazleari labanaz eraso egin diote ostiral honetan ekitaldi batean, Chautauquan, New Yorkeko estatuaren mendebaldean, bertako komunikabideek jakitera eman dutenez. Helikoptero batek ospitalera eraman du.
Idazleak hamarkadak eman ditu mehatxupean bere lanengatik. Erasotzailea berehala atxilotu du idazlearen segurtasuneko kide batek.
Booker sariaren irabazlea ekitaldian hitz egiten ari zen, pertsona bat maskara beltz batekin bat hurbildu zaio, eta lurrera botatzea lortu du.
Carl LeVan idazleak Twitter sare sozialean ziurtatu duenez, Rushdie "behin baino gehiagotan sastatu du erasotzaileak, segurtasunak mendean hartu baino lehen".
New Yorkeko Poliziak zehaztu duenez, idazlea "lepoan sastakatu dute".
Hain zuzen ere, idazle jazarriei asiloa eskaintzen dieten hirien inguruan hitz egin behar zuen Rushdiek, ekitaldian, City of Asylum erakundearen egitarauak oraindik ikusgai duenez.
"Babesa baino gehiago" izenburupean, "adierazpen askatasun sortzailearentzako asilo eta etxe bezala", AEBen izaera hizpide izan behar zuen Rushdiek.
Idazlea jatorriz indiarra da (Mumbain jaio zen), baina egun herritartasun bikoitza du, britainiarra eta estatubatuarra, eta 2000tik AEBn bizi da.
"Sekula ez naiz izan erlijioarekin kezkatutako idazlea, erlijioak jazarri ninduen arte", adierazi zuen artikulu batean. Integrismo islamikoa soilik ez da arazoa, fanatismo kristaua ere, erantsi zuen, Tony Blairri eta George W. Bushi erreferentzia eginez.
1988an, Bertso satanikoen argitalpenak berehala hautsak harrotu zituen musulmanen artean, Mahoma profetaren figurari begirunerik azaldu ez ziolakoan.
Indiak liburua debekatu zuen urriaren 5ean eta Hegoafrikak azaroaren 24an. Aste gutxi batzuen buruan, Pakistan, Saudi Arabia, Egipto, Somalia, Bangladesh, Sudan, Malaysia, Indonesia y Qatarrek ere eleberria debekatu zuten.
Iranek biraotzat jo zuen, eta orduko Jomeini ayatollahk idazlearen hiltzea eskatu zuen 1989ean. Irango Gobernua Jomeiniren 'fatwa'tik aldendu zen, baina 2012an, bertako fundazio erlijioso batek Rushdieren buruaren truke jarri zuen saria 2,8 milioi dolarretik 3,3ra igo zuen.
Kathy Hochul New Yorkeko gobernadoreak esan duenez, idazlea bizirik dago polizia batek salbatu duelako. Erasoa gertatu eta handik bi ordura, gobernadoreak "bizirik" dagoela baieztatu du prentsaurrekoan.
"Estatuko Polizia batek zutunik jarri eta salbatu du, bera eta moderatzailea babestu ditu", adierazi du Hochulek.
"Salman Rushdieren aurkako erasoa koldarra fanatikoen gorroto kanpaina sistematikoen emaitza da", idatzi du Tushar Gandhik, Mahatma Gandhi buruzagi bakezalearen bilobak.
Zure interesekoa izan daiteke
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.