Errusiak Zaporizhian egindako eraso batek azpiegitura industriala kaltetu du, zenbait etxe berorik gabe utzita
Zaporizhia ukrainar hiriak errusiar eraso berri bat jasan du ostiral arratsaldeko azken orduan, bi misilek azpiegitura industriala jota. Hala ere, bost talka antzeman dituzte guztira, eta sutea eragin dute inguruan, Anatolii Kurtiev alkateak jakitera eman duenez. Erasoak hildako bat eragin du gutxienez, eta 120 etxebizitza baino gehiago utzi ditu berokuntza sistemarik gabe.
Tokiko gobernadorearen arabera, baliteke zenbait pertsona hondakinen artean harrapatuta gelditu izana. Izan ere, baziren hainbat langile kaltetutako azpiegituran lanean.
Erasoaren ondorioz, hiriko barrutietako bateko herritargoaren erdia berokuntza sistemarik gabe gelditu da eta zenbait etxebizitza kaltetu dira. Dena dela, erasoren irismena neurtzen ari dira oraindik, beranduago argitu duenez.
Kurtievek jakinarazi du larrialdi zerbitzuak talkak izan diren inguruan lanean ari direla.
Hamar milioi ukrainar baino gehiago, argindarrik gabe
Errusiaren azken bonbardaketa olatuak hamar milioi pertsona baino gehiago (biztanleriaren % 20) argindarrik gabe utzi ditu Ukrainan, Volodimir Zelenski presidentearen arabera, eta egoera energetikoa "normalizatzeko ahal den guztia" egingo duela agindu du.
Gobernuak aldi baterako etenak eta aurreikusitakoak egiten ditu baina, Zelenskik nazioari egindako hitzaldi batean aitortu duenez, "larrialdiko" beste batzuk ere gertatzen dira. Vinitsia, Odesa, Sumi eta Kiev eskualdeak dira azken erasoek gehien kaltetu dituztenak.
Gerra hasi zenetik Kievetik atera den lehen trena iritsi da Jersonera
Bestalde, gerra hasi zenetik Kievetik etorritako lehen trena gaur goizean iritsi da Jersonera. Martxoaren hasieratik Errusiako tropek okupatu dute, Ukraina hegoaldeko hiri horrek berriki atzera egin duen arte.
Jerson eskualdeko kontseiluko kide batek, Serhiy Jlanek, ostiral honetan jakinarazi zuenez, "garaipenerako txartela erosi duten 200 bat bidaiari joango dira" bertan.
Adierazi zuenez, datozen trenak egun bikoitietan irtengo dira Kievetik eta bakoitietan Jersonetik. Era berean, zoriondu egin ditu "etxera itzultzen diren guztiak".
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.