"Aitzakiak utzi" eta hauteskundeak aurreratzea berraztertzeko eskatu dio Boluartek Kongresuari
Peruko presidente Dina Boluartek Peruko Kongresuari eskatu dio utz ditzala "aitzakiak albo batera" eta onartu dezala hauteskundeak aurreratzeko egindako proposamena. "Kongresuak gogoeta egin behar du eta herrialdearen alde lan egin; herritarren % 83k hauteskundeak aurreratu nahi dituzte", azaldu du Boluartek La Republica egunkarian argitaratutako Instituto de Estudios Peruanos (IEP) erakundearen azken inkesta bati erreferentzia eginez.
Peruko legegintzaldiek bost urteko iraupena dute; hauteskundeak aurreratzeko eta, ondorioz, agintaldi bat murrizteko, Konstituzioa erreformatzeko proposamen bat egin behar da eta onartu egin behar du Kongresuak. Boluartek proposatutako erreforma konstituzionalaren arabera, 2023ko abendurako aurreratzen ziren hauteskunde orokorrak, eta presidentetzarako eta parlamenturako agintaldiak hurrengo urteko apirilaren 30era arte murrizten ziren, agintaldia, berez, 2026ko uztailera artekoa den arren.
Neurriak 49 biltzarkideren babesa baino ez du jaso, beste 33 kontra agertu dira eta 25 abstenitu egin dira, Konstituzioaren erreforma aurrera ateratzeko behar diren kopuruetatik oso urrun geratuz, RPP irratiak jaso duenez.
"Ez bilatu aitzakiarik hauteskundeak ez aurreratzeko, bozkatu herrialdeari begira, ez ezkutatu abstentzio baten atzean. Egin zirt edo egin zart, erdizka ibilita ez dira herrialdeko arazoak konpontzen", adierazi du.
Presidenteak errefusatu egin du kargua uzteko aukera. "Zer konpontzen da nik uko eginez, arazoa konpontzen da? Ez, ez da arazoa konpontzen (...) Hemen egongo gara, tinko, Kongresuak hauteskundeak aurreratzea erabaki arte", azpimarratu du.
Estatuburuak abenduaren 7an hartu zuen kargua, Pedro Castilloren ordez. Adierazi duenez berea "trantsizioko gobernua" da, eta agintaldia ez amaitzeko erabakia hartua du, "hori baita herritarren borondatea, zentzurik zabalenean ulertuta".
Castillo espetxean dago hilaren 7an Parlamentuaren desegitea erabaki eta dekretu bidez gobernatuko zuen larrialdiko exekutibo bat eratuko zuela iragarri ondoren; egun hartan batzar konstituziogile bat deituko zuela eta justizia-sistema berrantolatuko zuela ere iragarri zuen. Kongresuak, ordea, kargutik kendu zuen eta Boluarte jarri haren ordez.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).