Oihana Goiriena: "Umeek ez dute hamar hilabetean aitarekin hitz egiteko aukerarik izan"
Oihana Goiriena, iragan otsailaren 28tik Polonian preso dagoen Pablo Gonzalez kazetariaren bikotekidea, Euskadi Irratiko albistegietan izan da larunbat honetan. Izan ere, hamar hilabete egingo dira datorren astean Polonian atxilotu zutenetik Errusiako espioia izatea egotzita. Eguberri bezpera honetan, kazetariak familiaren "falta igarriko" duela esan du.
Gonzalez kartzelan dago akusazio formalik gabe. Behin-behineko espetxealdia hirugarrenez luzatu diote berriki, eta urtarrilaren 10ean erabakiko du Poloniako justiziak defentsak aurkeztutako azken arrazoibidea onartuko duen ala ez.
Fiskaltzaren eta abokatuen arteko bista izango dela gogorarazi du Goirienak, azken horien alegazioak aztertzeko, baina "Pablo ez da bertan egongo". Era berean, nabarmendu du prozesu judiziala bera ez dela gehiegi aldatuko, orain arteko "fiskal berdina, argudio berdinak eta auzitegi berdina" mantenduko baitira.
Azaroaren 21ean izan zuen Gonzalezekin azken bisita, eta ez zuen "txarto topatu". Edonola ere, gaineratu du egun hauetan familiaren falta igarriko duela, "asko gustatzen baitzaio Gabonak ospatzea".
Gainera, azken hamar hilabeteetan seme-alabek "ez dute aitarekin hitz egiteko aukerarik izan". Komunikazio zuzena faltan botatzen dutela azpimarratu du (eskutitz bidezkoa izan dute batik bat), eta familiak behin baino gehiagotan salatu izan duela hori.
Gauzak horrela, abokatuaren bitartez iritsi zaie kazetariaren mezua, "Gabonak ondo ospatzeko" esanez. "Ez da pozik eta alai egongo, baina erabat txarto ere ez".
Ostiral honetan bertan, euskal kazetariaren askatasuna eskatzeko manifestazioa egin zuten Gernikan.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.