Indarrean da Putinek Ukrainako frontean iragarritako su-etena
Indarrean dago jada (Euskal Herriko 10:00etatik, Moskuko 12:00etatik) Vladimir Putin Errusiako presidenteak Ukrainako frontearen lerro osoan zehar ezarritako 36 orduko su-etena.
Errusiako Presidentetzaren oharraren arabera, estatuburuaren erabakia Errusiako Eliza ortodoxoaren patriarkak, Kirilek, Gabonetako su-eten bat ezartzeko egindako deiari erantzuna da, fededun ortodoxoek urtarrilaren 7an ospatzen baitute.
"Ekintza militarren eremuan herritar ortodoxo ugari bizi denez, Ukrainako aldeari su-eten erregimen bat ezartzeko dei egiten diogu, Eguberri bezperan eta Eguberri egunean tenpluetara joaten uzteko", dio ohar ofizialak.
Ordu batzuk lehenago, Kirilek su-eten bat eskatu du fededunek Gabonak ospatu ahal izateko.
Lehen aldia da Errusiako presidenteak su-etena ezartzen duela fronte guztietan, joan den otsailaren 24an Ukrainan kanpaina militarra abiatu zuenetik, aldameneko herrialdea "desnazifikatzeko eta desmilitarizatzeko" helburuarekin.
Volodimir Zelenski Ukrainako presidenteak, bere aldetik, su-etena estrategia militarraren baita erabiltzea egotzi dio Putini. "Gure herrialdearen aurkako erasoekin jarraitu zutenek eta bere herritarrak hiltegira bidali dituztenek, Errusiaren erasoa eteteko egin genituen eskaintzak errefusatuta, ez dute bizitza balioesten eta ez dute bakea bilatzen", adierazi du Zelenskik ukrainarrei igorritako mezu batean. Gainera, Errusiak jakinarazi du Ukrainak erasoak egin dituela Donetsken su-etena bezain laster.
"Orain Eguberriak erabili nahi dituzte gure indarrek Donbassen egin dituzten aurrerapausoak geratzeko, tarte batean behintzat, eta materiala, munizioa eta soldaduak eramateko", leporatu dio Zelenskik Putini.
Horren harira, Ukrainako agintariak esan du "mundu guztiak" dakiela "Kremlinek gerrako atsedenaldiak indarra hartzeko aprobetxatzen dituela".
Antonio Guterres Nazio Batuen Erakundeko idazkari nagusiak uste du ona dela su-etena, baina aitortu du oraindik ez dagoela gatazkari konponbide iraunkorra emateko modurik.
"Gabonetan jenderik ez hiltzeko modua badago, hori ona da bere horretan, baina garrantzitsuena da gatazkari irtenbidea ematea eta oinarriak Nazio Batuen gutuna eta Nazioarteko Zuzenbidea dira", azaldu du Guterresek.
"Une honetan, oraindik ez da berehala bake eraginkorra lortzeko modurik, baina posible izatea espero dut", gaineratu du.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.