Sturgeonek kargua utziko duela iragarri du: "Une egokia da hau"
Nicola Sturgeonek Eskoziako lehen ministro kargua eta Eskoziako Alderdi Nazionaleko (SNP) lidergoa utziko duela iragarri du. Edinburgon prentsaurrekoan eman du bere erabakiaren berri. Hala ere, bere ordezkoa aukeratu arte karguan jarraituko duela argitu du. Dagoeneko eskatu dio SNP arderdiko idazkaritza orokorrari horretarako prozesua has dezala.
Asko pentsatutako erabakia dela adierazi du, "ez momentuko presioen ondorioz hartutakoa". "Nire buruan eta bihotzean sentitzen dut hau dela une egokia", esan du. Urteetako lanaren poderioz sortutako nekearen ondorioz hartutako erabakia dela iradoki du.
Eskoziako lidergoa une batzuetan "lan zaila" izan dela azaldu du Nicola Sturgeonek kazetarien aurrean, eta Covid-19aren pandemiaren garaia jarri du horren adibide gisa. "Lan hau egiteko modu bakarra noberaren partetik dena ematea da", iritzi dio, eta horrek beregan "eragin fisiko eta psikologikoak" izan dituela gaineratu du.
Ukatu egin du bere erabakiaren arrazoi nagusia genero aldaketaren legearen erreformak sortu duen polemika izan denik. Hala ere, "nire iritziak eztabaidarako oztopo dira gaur egun", erantsi du. Hain zuzen ere, erreforma honek polemika sortu du, bai bere alderdi barruan, baita kanpoan ere. Erresuma Batuko Gobernuak duela gutxi esan du neurri hori blokeatu egingo duela.
Independentziari dagokionez, Sturgeonen iritzian, 2015ean baino gertuago dago Eskozia gaur egun. Bere nahia lehengoa dela berretsi du, alegia, urriko hauteskundeak plebiszitarioak izatea. Bere ondorengoak "Eskozia bide horretatik eramango duen itxaropena" agertu du.
Nicola Sturgeon 1999an hautatu zuten lehenengoz Eskoziako Parlamentuko kide gisa. 2004an, SNP alderdiko diputatu nagusi izatera iritsi zen. 2014an, independentzia erreferendumean ezezkoak irabazi ondoren, ordura arte Eskoziako lehen ministroa zen Alex Salmond ordezkatu zuen. 2015ean eta 2019an, Eskoziako hauteskundeak irabazi zituen SNP alderdiak.
Gobernuburu izan den urte hauetan Eskoziako independentziazaleen aurpegi esanguratsuena izan da nazioartean. Urrian iragarri zuen Eskoziako Gobernuak independentziaren aldeko beste galdeketa bat egiteko asmoa zuela. Hain zuzen ere, aurtengo urriaren 19an egin nahi zuten galdeketa hori. Azaroan, ordea, Erresuma Batuko Auzitegi Gorenak ebatzi zuen Eskoziak ezin duela aldebakarreko erreferendumik deitu; izan ere, "horretarako konpetentzia Erresuma Batuko Parlamentuak soilik dauka", horren arabera.
Zure interesekoa izan daiteke
Erlojuaren aurka bila ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 zauritu baino gehiago.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta jarraitzen dute Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, senideek eta hurbilekoek badakite bizirik aurkitzeko aukerak murriztu egiten direla, baina onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumearen heriotza.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.