Milioi erdi herritar bildu dira Israelgo historian izandako protesta jendetsuenean
Milioi erdi israeldar bildu dira larunbat honetan Israelgo hiri nagusienetan, "Israelen inoiz izandako protesta handienean", gizarte zibileko elkarteen aburuz, Benjamin Netanyahuren Gobernu berriaren kontra. "Estatu kolpearen kontra protestatzera Tel Aviveko Kaplan kalean milioi erdi gizonezko eta emakumezko bildu ziren bart. Israelgo historian izandako protestarik jendetsuena da", adierazi dute igande honetan mobilizazioa antolatu zuten taldeek.
Poliziak asteak daramatza protesta horietan parte hartzen ari diren herritar kopururik eman gabe, baina elkarte antolatzaileek eskainitako datuak Israelgo komunikabideek berretsi dituzte.
Bandera Beltzak eta Kalitatezko Israelgo Gobernu Baten Aldeko Mugimendua bezalako taldeek 10 astez daramatzate hiri nagusienetan, Tel Aviv barne, milaka israeldar biltzen. Benjamin Netanyahuren Gobernu berriak sustatutako erreforma judizialaren kontra daude.
Izan ere, Israelgo gizartearen sektore anitzek (ez bakarrik ezkerrak, baita zentro liberalak ere) demokraziarentzako mehatxu gisa ikusten dute erreforma hori, Exekutiboak Justiziaren gainean kontrol handia izatea baimentzen baitu, Gobernuak epaileak aukeratu ditzakeelako eta Parlamentuak Gorenaren epaiak bertan behera utzi dezakeelako, "baliogabetze klausulaz" baliatuta.
Bart Tel Aviven izandako martxaren irudietako bat. Argazkia: EITB MEDIA
LASTER, INFORMAZIO ZABALAGOA
Zure interesekoa izan daiteke
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".