AEBko interes-tasen igoeren zikloan aldi baterako etenaldia iragar dezake gaur Erreserba Federalak
AEBko Erreserba Federalak (Fed) interes-tasen igoeren zikloan aldi baterako etenaldia iragar dezake asteazken honetan, Merkatu Irekiko Batzorde Federaleko kideen bileraren ostean, inflazioa moteldu egin baita. Urtebetean, hamar aldiz igo dituzte interes-tasak.
Aurreko bileretan, aditu gehienek aurreikusi zituzten igoerak, baina oraingoan ez dago argi erabaki bateratua hartuko duten edo ez. Dena dela, Jerome Powell AEBko Erreserba Federaleko presidenteak goizean egingo duen agerraldian iragarriko du bilera horretan zer erabaki hartu duten.
Aditu gehienen aburuz, oraindik ez da interes-tasen muga gainditu, eta baliteke datozen hilabeteetan igoera gehiago iragartzea. Nolanahi ere, ekaineko bilera honetan, aldi baterako etenaldia ezartzea aurreikusten da, eta uztailean zein irailean interes-tasak berriro igotzea.
Ekonomialarien artean ziurgabetasuna nagusi izan arren, azken hilabeteotako joera etetea ahalbidetuko lukeen mugarri bat jakin da aste honetan; izan ere, inflazioaren urte arteko tasa nabarmen jaitsi zen maiatzean, bederatzi hamarren, % 4an kokatzeraino (2021eko martxotik izan duen mailarik baxuena).
Azken igoera, maiatzaren 3an iragarri zuten. Bileraren aktak argitaratu ondoren jakin zenez, neurriak gehiago zorroztearen egokitasunari buruzko ziurgabetasuna adierazi zuten aditu gehienek.
Banku zentralaren proiekzioak egiten dituen talde teknikoaren arabera, AEBko ekonomia moteldu egingo da datozen bi hiruhilekoetan, eta urte amaieran atzeraldi txiki batean sar daiteke, ekonomia berrezarri eta suspertzen hasi aurretik.
Urtebetean ondoz ondoko hamar igoera iragarri ondoren (2022ko martxoan hasi ziren), gaur egun interes-tasa % 5 eta % 5,25 artekoa da, 2007tik izandako mailarik altuena.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.