Milaka lagun atera dira kalera Bilbon, Palestinari babesa adierazteko eta Israelen "genozidioa" salatzeko
"Palestinarekin Elkartasuna" elkarteak deituta, milaka lagunek manifestazioa egin dute Bilboko kaleetan, Palestinako herriari elkartasuna adierazteko eta Israel egiten ari den "genozidioa" salatzeko.
Dozenaka taldek babestu dute Bilboko Jesusen Bihotza plazatik abiatu den mobilizazioa. Ikurrina bat eta bandera palestinar bat protestaren aurrealdean zeramatzatela, "Gora palestinar erresistentzia. Sionismoa genozidia. Palestinarekin elkartasuna" lelopean abiatu dira manifestariak.
Israel egiten ari den "genozidioa eta garbiketa etnikoa" salatzeaz gain, palestinar herriaren "erresistentziarako eskubidea" aldarrikatu dute, eta elkartasun osoa agertu.
Manifestazioa abiatu aurretik egindako adierazpenetan, Palestinarekin Elkartasuna elkartearen bozeramaileek azpimarratu dute garrantzitsua dela Palestinako herriari elkartasuna adieraztea, "inolako baldintzarik gabe", Israelgo estatu sionistak "garbiketa etnikoa eta genozidioa egiteko operazioetan jauzi kualitatibo eta kuantitatiboa egin duen une honetan". Gazan ez ezik Zisjordanian ere krimenak egiten ari direla salatu dute.
Bertan gogorarazi dutenez, Palestinak hamarkadak daramatza Israelgo kolonizazioa jasaten, eta "edozein herri zapalduk bezala, erresistentziarako eskubidea" dutela aldarrikatu dute.
Azkenik, "mendebaldeko gobernuen, enpresen eta Israelgo estatua legitimatzen duten alderdi politikoen konplizitatea eta lankidetza" salatu dituzte.
Baionan ere, manifestazioa zegoen deituta 17:00etan tren geltokitik abiatuta, eta Prefeturak debekatu egin duen arren, egin egin dute. Poliziak gertutik zainduta, hori bai.
Ehunka lagun bildu dira "Israel genozido! Frantzia kolabo! Palestina askatu!" leloa zeraman pankartaren atzean, eta hainbat kaletatik ibili ostean, Jacques Portes plazan amaitu da mobilizazioa, bozgorailuetatik testu bat entzun ondoren.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek Ormuzko itsasartean harrapatuta dauden itsasontziak askatzeko operazioa iragarri du gaurtik aurrera.
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.