Gutxienez 145 pertsona hil dira Gaza iparraldeko errefuxiatu-eremu batean, Israelen aire-eraso baten ondorioz
Israelgo aireko eraso batek gutxienez 145 hildako eta beste horrenbeste zauritu eragin ditu Gazako Zerrendako iparraldean dagoen Jabalia inguruneko errefuxiatuen kanpaleku batean, iturri palestinarrek jakitera eman dutenez.
Gazako Osasun Ministerioak ohar baten bidez jakinarazitakoaren arabera, ehunka biktima (hildakoak eta zaurituak) eraman dituzte Gazako Indonesiako Ospitalera, Jabalia inguruko etxebizitzen aurka Israelek egindako aire-erasoaren ostean. Ospitaleko iturriek esan dute 145 hildako eta beste hainbeste zauritu daudela.
Israelek bere gain hartu ditu aire-eraso horiek, eta bonbardaketa horiekin Hamaseko "ehunka miliziano" hil dituela gaineratu du.
Bestetik, egunean zehar, liskar gogorrak izan dira Gazako Zerrendaren iparraldean Israelgo lurreko indarren eta Hamasen beso armatua den Qasam Brigadetako milizianoen artean.
Daniel Hagari Israelgo Defentsa Indarren bozeramailearen hitzetan, "une honetan" soldaduak "borroka latzak" izaten ari dira Gazan "terroristak desagerrarazteko".
"Borrokatzeko modu horrek arriskuan jartzen ditu gure indarrak; konplexua eta kritikoa da", esan du Hagarik prentsaurrekoan, eta "erresilientzia eta pazientzia" eskatu ditu.
Bestalde, Qasam Brigadek sare sozialetan adierazi dutenez, gaur talkak izan dira Gazako ipar-mendebaldean, eta Israelen bi gurdi blindatu izan dituzte koheteekin egindako erasoen jomuga.
Halaber, Zerrendaren iparraldean, Al Tauam eremuan, Israelgo ibilgailuen aurka tiro egin dutela adierazi dute.
Informazio horiek ezin izan dira modu independentean egiaztatu, bi aldeek kazetarien sarbideari ezartzen dizkioten murrizketak direla eta.
Astearte honetan, Israelen eta Hamasen arteko gerraren hogeita bosgarren eguna bete da, urriaren 7an Palestinako talde islamistak Israeli eraso egin ostean. 1.400 hildako eta 5.400 zauritu baino gehiago utzi zituen erasoaldi hark, eta 240 pertsona bahitu, eta Gazara eraman zituzten.
Horren ostean, Israelek egunero bonbardatu du Zerrenda, eta ostiralean lurreko operazioak zabaldu zituen inguru horretan; gerrak orain arte 8.300 palestinar hil eta 21.000 baino gehiago zauritu ditu.
Zure interesekoa izan daiteke
240 hildakotik gora eta 2.500 zauritu baino gehiago, Kolonbia astindu duen lurrikararen ondorioz
Ehundaka eraikin kolapsatu dira, ospitaleak gainezka daude, aireportu batzuk itxi eta etxeratze aginduak ezarri dituzte, erreskate lanei ekiten dieten bitartean.
Siriako Justiziak heriotza-zigorra ezarri dio Baxar al-Assad presidente ohiari gerra eta gizateriaren aurkako krimenengatik
2024ko abenduan agintetik kendu eta Moskun erbesteratutako diktadore ohiak bi hamarkada baino gehiagoz gobernatu zuen Sirian. Epaiak beste 8 pertsona ere zigortu ditu, tartean al-Assaden anaia eta lehengusu bat.
WhatsApp zenbaki bat gaitu dute Kolonbiako lurrikararen ostean harremanetan jarri ezin izan diren senideei buruz informatzeko
Bilboko kontsulak azpimarratu du kolonbiarrek une "oso gogorrak" bizi dituztela, eta bere herrialdeari berreraikitzen laguntzea eskatu du.
Kolonbiako lurrikararen ondorioz, 164 espainiar lokalizatu gabe daude
Gobernua harremanetan jarri da lehen errolda batean erregistratutako espainiar guztiekin, 164rekin izan ezik, eta haien egoerari buruzko informazioa emateko eskatu die. Albaresen arabera, ez dago zauritu edo hildako espainiarren berririk.
Trump catering kamioi batean ezkutatuta eraman zuten NATOk Turkian egin zuen goi-bileratik irtetean
AEBko inteligentzia-zerbitzuek diseinatu zuten plana, presidentearen hegazkinaren aurkako Iranen mehatxu sinesgarri bat antzeman ondoren.
Gutxienez 111 hildako eta kalte handiak Kolonbian, 7,4 graduko lurrikara baten ondorioz
Hildakoen kopuru handiena Risaralda departamenduan izan da oraingoz, 40 pertsona hil baitira; Cauca haranean, aldiz, 27 eta lau Chocon, lurrikararen epizentroa. Bogotan, Calin, Popayanen, Manizalesen, Armenian, Medellinen eta erdialdeko eta mendebaldeko beste hiri batzuetan ere nabaritu dute.
Schengen eremua bermatuta dagoela esan dio Aagesenek Italiari
Espainiako Gobernuko presidenteordeak azpimarratu du Ceutan sartutako migratzaileetako bat ere ez dela penintsulara iritsi.
Israelek baztertu egin du Trumpen Gazarako 15 puntuko plana
Netanyahuk esan du Hamas erabat armagabetu arte Israelgo Armadak ez duela Gazatik alde egingo, eta baztertu egin du Palestinako Estatua sortzea.
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.