Ivan Illarramendi eta bere emaztea urriaren 7an hil zituen Hamasek eta ez zituen bahitu
Espainiako Gobernuko Atzerri ministroak eta Israelgo iturri diplomatikoek baieztatu dute Ivan llarramendi bilbotarra eta haren emazte Loren Garcovich urriaren 7ko erasoan hil zituela Hamasek eta, hortaz, ez zituela bahitu.
Bien gorpuak Kissufim kibbutzean, Gazako Zerrendako mugatik oso gertu, aurkitu zituzten, eta ezin izan dituzte bi heriotzak baieztatu, DNA frogak egin arte.
Ivan Illarramendiren familiak EITB Mediari azaldu dionez, lehen egunean hil eta erre egin zituzten, eta horregatik behar izan dute hainbeste denbora gorpuak identifikatzeko. Izan ere, dozenaka gorpu daude identifikatzeko zain Israelgo gorputegietan.
Emaztearekin batera bizi zen Illarramendi Kissufim kibbutzean, eta Hamasek iragan urriaren 7an lurretik, itsasotik eta airetik egindako erasoaldiak inguru hori suntsitu zuen. Eraso horietan, talde islamistak 1.400 lagun hil, 5.400 zauritu eta 200 bahitu zituen.
Illarramendiri buruzko berririk gabe eman zituen haren familiak hainbat egun, erasoa jazo eta hamar egunera, urriaren 17an, Pedro Sanchez Espainiako Gobernuko jarduneko presidenteak Hamasek bahitutakoen artean zegoela jakitera eman zuen arte.
Bilbotarra da Illarramendi, baina haren familia Zarautzen bizi da, eta hango Udaleko bozeramaileen batzordeak bilera egin du gaur familiari eta senideei dolumina eta elkartasuna adierazteko. Gainera, elkarretaratze isila iragarri du biharko, ostegunerako, 12:00etan, udaletxeko plazan.
Bitartean, Ivanen anaia Israelera bidean da eta familiak haren gorpuzkiak aberriratzeko izapideak abiatu ditu. Hileta hurrengo astean egingo dute, baina familiak eskatu du intimitatean egin nahi diotela agurra Illarramendiri.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.