Ia 100 hildako eta 3.000 etxebizitza baino gehiago kiskalita Txilen, aurrekaririk gabeko suteetan
Txile kiskaltzen ari da. Gabriel Boric presidenteak argi esan du 2010eko otsailean bizi izan zuten lurrikaraz geroztik herrialdean izan den "tragediarik handiena" gertatzen ari dela asteburu honetan. Gauzak horrela, Latinoamerikako hainbat herrialdek, Frantzisko Aita Santuak eta Europar Batasunak (EB) elkartasun mezuak bidali dituzte azken orduetan.
Ostiralean piztu ziren suteak eta orain arte, gutxienez, 3.000 etxebizitza desagerrarazi eta 99 hildako utzi dituzte. Valparaiso eskualdea da kaltetuena.
Txileko presidenteak bi dolu egun ezarri ditu herrialde osoan astelehen honetatik, eta hildakoen kopurua "nabarmen haziko" dela ohartarazi du.
Santiagotik 100 kilometro ekialdera dagoen Valparaiso eskualdean oraindik zazpi sute daude aktibo, Basogintza Korporazio Nazionalaren azken txostenaren arabera. Ostiral goizean hasi ziren suteak, eta berehala zabaldu ziren eskualdeko tenperatura altuen eta haize-bolada gogorren ondorioz.
Josep Borrell Europar Batasuneko Kanpo Arazoetarako goi ordezkariak elkartasuna adierazi die Txileko Gobernuari eta herriari, eta adierazi du EB prest dagoela "une zail hauetan laguntzeko".
Borrellek, X sare sozialean argitaratutako mezu batean, tragedia "lehorte eta klima hondamendiarekin" lotu du.
Europar Batasuneko iturriek azaldu dutenez, Txilek Bruselari eskaera formala egingo dionean iritsiko da Europar Batasunaren laguntza. Hogeita zazpi herrialdeek emango duten laguntza Hego Amerikako herrialdeak eskatzen duen laguntza motaren araberakoa izango da.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.