Netanyahuk Rafahren "ebakuazioa" agindu du, eta Abbasek palestinarrak Gazatik "kanporatzea" dela salatu du
Benjamin Netanyahu Israelgo lehen ministroak ostiral honetan iragarri duenez, Gazako Zerrendaren hegoaldeko Rafah hiriaren "ebakuazioa" prestatzen hasteko agindua eman dio Armadari, azken hilabeteetako bonbardaketen ondorioz indarrez desplazatutako palestinarren azken babeslekua dena.
Ohar batean esan duenez, Israelgo lehen ministroak bateraezina deritzo Hamas mugimendu palestinarra garaitzeari herri hartan eta inguruetan dituen indarrekin amaitu gabe. Gutxienez 1,3 milioi pertsona daude errefuxiatuta inguru hartan.
"Beraz, Netanyahu lehen ministroak gerra-kabineteari plan konbinatu bat aurkezteko agindu die Armadari eta segurtasun estamentuari, herritarrak ebakuatzeko eta batailoi horiek suntsitzeko", komunikatuaren arabera.
Bestalde, Mahmud Abbas presidente palestinarraren bulegoak adierazi duenez, Netanyahuk iragarritako planak Rafah "militarizatzeko" asmoa du, eta "palestinarrak beren lurretatik kanporatu nahi" izatea leporatu dio Israeli.
Palestinako Aginte Nazionalaren buruak Zisjordania okupatuan autogobernu partziala du, eta Israelgo Gobernua eta AEBko Administrazioa dira planaren ondorioen arduradunak, Abbasen hitzetan.
Abbasek "politika suntsitzaile" horren ondorioen "erantzukizun osoa" Israeli eta Joe Bidenen administrazioari egotzi die, eta horren inguruan jarduteko eskatu dio NBEko Segurtasun Kontseiluari. "Herri palestinarrak ez du bere lurra utziko eta ez du onartuko bere aberritik kanporatzea", baieztatu du Abbasek.
Yoav Gallant Defentsa ministroak behin baino gehiagotan iradoki du azken astean Israelek Rafahrantz egingo zuela Khan Yunisen (Hamasen gotorlekua hegoaldean) operazioak amaitutakoan.
NBEk eta AEBk kezka agertu dute Israelgo Armadak lurreko erasoaldia Rafahra hedatzeko aukeraren aurrean, azken babeslekua baita borroketatik ihesi lau hilabete daramatzaten milioi bat gazatar baino gehiagorentzat.
John Kirby Etxe Zuriko Segurtasun Nazionaleko bozeramaileak adierazi duenez, Estatu Batuek ez dute babesten Israelgo Armadaren operazio militarrak Rafahra zabaltzea.
Josep Borrell Europar Batasuneko Kanpo Arazoetarako goi ordezkariak "kezkagarritzat" jo ditu Israelek erasoaldi militarra zabaltzeko asmoari buruzko informazioak, eta ondorio "katastrofikoak" izango lituzkeela ohartarazi du.
"Israelek Rafahn erasoaldi militar bat abiatzeko aukerari buruzko informazioak kezkagarriak dira. Ondorio katastrofikoak izango lituzke, eta okertu egingo lirateke dagoeneko etsita dagoen egoera humanitarioa eta biktima zibilen kopuru jasanezina", argitaratu du politikariak X sare sozialean.
Zure interesekoa izan daiteke
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.