Nazioarteak gogor gaitzetsi du Gazan janaria hartzeko ilaran zain zeuden kontra Israelek egindako erasoa
"Izugarrikeria", "gaitzespen irmoa" eta baita "genozidioa" ere. Horiexek nazioarteak erabilitako berbak Israelek atzo egindako erasoaren aurrean. Soldadu israeldarrek tiro egin zieten janaria hartzeko ilaran zain zeuden ehunka palestinarri: gutxienez, 100 pertsona hil eta 700 zauritu zituzten.
Antonio Guterres NBEren idazkari nagusiak sarraskia gaitzetsi du eta beste behin su etena eskatu du Gazako Zerrendan. "Gazako zibilek laguntza behar dute lehenbailehen, iparraldekoak barne. Bertan NBEk ezin izan du laguntzarik eman duela astebete baino gehiago", salatu du Stephane Dujarric Guterresen bozeramaileak.
Aurrez, Martin Griffiths NBEko Gai humanitarioetarako idazkari ondokoa "atsekabetuta" azaldu da triskantzarekin. "Bost hilabete igaro dira borroka basatiak hasi zirenetik eta, halere, gu hunkitzeko ahalmena du oraindik Gazak", deitoratu du.
NBEren Segurtasun Kontseilua atzo arratsaldean bildu zen, Aljeriak eskatuta. Urriaren 7tik duen jarrerari eutsita, AEBk betoa jarri zion kontseiluak sarraskiari buruz onartu behar zuen adierazpenari. Riad Mansur NBEn Palestinak duen ordezkari iraunkorrak gaur jakinarazi duenez, Segurtasun Kontseiluko 15 herrialdeetatik 14k egin zuten Aljeriak aurkeztutako idatziaren alde: AEB izan zen salbuespena. Robert Wood AEBko ordezkari ondokoak argudiatu zuenez, Washingtonek "ez ditu gertatutakoaren inguruko datu guztiak".
Bien bitartean, Josep Borrell Europar Batasunaren (EB) Atzerri Politikarako goi ordezkariak esan du "ikaratuta" dago zibilen hilketarekin. "Hilketa horiek erabat onartezinak dira. Pertsonei laguntza kentzea zuzenbide humanitarioa larriki urratzea da", idatzi du X sare sozialean.
Ildo beretik, dozenaka herrialdek egin dute sarraskiaren gaitzespena. Tartean dira Espainia, Frantzia, Txina, Australia, Mexiko, Kolonbia eta Golkoko beste zenbait (Qatar, Kuwait, Saudi Arabia eta Iran).
Jose Manuel Albares Espainiako Atzerri, Europar Batasuna eta Lankidetzarako ministroarentzat atzo Gazan gertatutakoa "onartezina" da eta su etena eskatu du.
Ildo beretik, Emmanuel Macron Frantziako presidentea "suminduta" azaldu da eta "egia, justizia eta nazioarteko zuzenbidea errespetatzea" eskatu du.
Erasoa gaitzesteaz gain, Gustavo Petro Kolonbiako presidenteak iragarri du Israeli armak erosteari utziko diola herrialdeak. "Janaria eskatzen ari zirenean, 100 palestinar baino gehiago hil ditu Netanyahuk. Horri genozidioa deitzen zaio, eta Holokaustoa gogorarazten du, nahiz eta nazioarteko botereari ez gustatu. Munduak Netanyahu geldiarazi behar du. Kolonbiak ez dio armarik erosiko Israeli", jakinarazi du X sare sozialean.
Azkenik, Mugarik gabeko Medikuak eta Amnistia Internazionala gobernuz kanpoko erakundeek gogor gaitzetsi dute erasoa. Tonu gogorrean, AI Israelen aliatuei zuzendu da, eta Israel Gazan egiten ari denaren aurrean "ez-ikusiarena" egiteari uzteko eskatu die. "Genozidioari aurre egiteko eta Gazako zibilak babesteko ekimen berehalako eta eraginkorrak egon behar dira", erantsi du.
Zure interesekoa izan daiteke
Venezuelako aire-espazioa hegaldi komertzialei zabaltzeko agindu du Trumpek
Eguna amaitu aurretik beharrezko izapideak egiteko agindua eman du AEBko presidenteak. Bi herrialdeen arteko zuzeneko hegaldiak etenda daude 2019tik.
Iranen aurkako zigor gehiago adostu ditu EBk, errepresioa leporatuta
Drone eta misiletarako materialak eskuratzea zailtzea dute helburu, eta, aldi berean, aho batez erabaki dute Guardia Iraultzaile Islamikoa erakunde terrorista izendatzea. Gainera, errusiarren aurkako zigor berriak onartu dituzte, Ukrainako gerrarekin lotuta.
Alex Pretti ICEko agenteei aurre egiten, tiroz hil baino 11 egun lehenago, irudiotan
Estatu Batuetako albiste-atari batek argitaratutako irudietan ageri denez, Alex Pretti, urtarrilaren 24an Minneapolisen ICEko agenteek hildako 37 urteko erizaina, urtarrilaren 13an ere gogor jo zuen migrazio-poliziak, beste protesta batean.
Iranek adierazi du hitz egiteko prest dagoela, baina mehatxuen aurrean bere burua "inoiz ez bezala" defendatuko duela
Estatu Batuek Teherango erregimenari mehatxu egin diote behin baino gehiagotan, eta flota militar handia mobilizatu dute Ekialde Ertaineko eskualdera.
Ilhan Omar kongresista demokratari substantzia kimiko batekin eraso egin diote Minneapolisen
Donald Trumpen Administrazioa immigrazioaren aurka egiten dabiltzan sarekadak kritikatzen ari zela gertatu da Ilhan Omarren aurkako erasoa. Segurtasun indarrek erasotzailea atxilotu egin dute, eta jatorri somaliarreko kongresistak hitzaldiari ekin dio berriro. Ilhan Omar Donald Trumpen jomuga izan da azken asteetan ICEren aurka egindako kritikengatik.
Ardoak, oliba-olioa eta autoak: EB-India akordioak dakarren muga-zergen amaieran onuradun nagusiak
Europar Batasunaren eta Indiaren arteko goi-bileraren ondoren jakinarazitako dokumentu teknikoen arabera, Europako esportazioen % 96,6ren gaineko aduana-zergak pixkanaka ezabatzea jasotzen du itunak, eta orain arte oso politika protekzionistak aplikatzen zituen 1.400 milioi kontsumitzaile baino gehiagoko merkatu indiarra irekiko dio Europari.
Indiak eta Europar Batasunak merkataritza akordio "historikoa" itxi dute, 18 urtez negoziaziatzen ibili stean
Akordio-eremuak 2.000 milioi pertsona biltzen ditu, munduko BPGaren % 25 inguru eta merkataritza globalaren heren bat, gutxi gorabehera. Nerendra Modik eta Ursula Von der Leyenek adierazi dutenez, akordio hori "akordio guztien ama" da, eta merkataritza globala eta hornidura-kateak indartzen lagunduko du.
Urrearen prezioa 5.100 dolarrera iritsi da lehen aldiz, eta ontzaren balioa bikoiztu egin da urte eta erdian
Nazioarteko ordenaren aldaketak, tentsio geopolitiko eta komertzialek eta dolarrak balioa galdu izanak eragin dute urre ontzaren balioak gora egitea.
Israelek Gazan geratzen zen azken bahituaren gorpuzkiak aurkitu eta identifikatu ditu
Ran Gvili polizia israeldarraren gorpuzkiak berreskuratuta, bahitutako guztien hilotzak Israelgo Estatuaren esku geratu dira. Pauso hau ezinbesteko baldintza zen Israelek Rafahko pasabidea zabaltzeko, eta Trumpek sustatutako bake planaren bigarren faseari ekiteko.
Zer da ICE? Zer ari da gertatzen Minnesotan?
Immigrazio eta Aduanen Kontrolerako Zerbitzuak (ICE, ingelesez) eta Minneapolis hiriak asteak daramatzate aktualitatearen erdigunean. Egoera ulertzeko hainbat gako bildu ditugu.