Iranek amaitutzat jo ditu Israelek Damaskoko kontsulatuari egindako erasoaren aurrean hartutako errepresaliak
Iranek amaitutzat eman du atzo Israelen aurka hasitako erantzun-operazioa, Hossein Amir-Abdoulahian Irango Atzerri ministroak adierazi duenez. Iranek ez du "defentsa-operazioekin jarraitzeko asmorik", baina azpimarratu duenez, ez du zalantzarik izango, behar izanez gero, "bere interesak babesteko".
"Une honetan, Irango Errepublika Islamikoak ez du defentsa-operazioekin jarraitzeko asmorik, baina beharrezkoa bada, ez du zalantzarik izango bere interes legitimoak babesteko edozein erasoren aurrean", esan du Abdoulahianek X sare sozialean.
Irango diplomaziaren buruak gaineratu duenez, "bidezko defentsarako eskubidea erabiltzeak agerian uzten du Iranek bakearekiko eta eskualdeko eta nazioarteko segurtasunarekiko duen ikuspegi arduratsua".
Irango Gobernuaren arabera, goizaldean Israelen aurka egindako erasoa arrakastatsua izan da. Mundu osoko agintariek, bitartean, kezka agertu dute Ekialde Hurbileko tentsioak gora egin duelako, eta lasaitasunerako deia egin dute.
Abdoulahianen esanetan, bart Iranen izandako erasoak ez zuen biztanleria zibila helburu. "F-35 hegazkinen baseari eta Damaskoko gure kontsulatuaren aurkako erasoan erabilitako inteligentzia zentroei eraso diegu", adierazi du, Israelek apirilaren 1ean Iranek Sirian zituen instalazio diplomatikoen kontra egindako bonbardaketari erreferentzia eginez. "NBEk Israelen erasoa gaitzetsi izan balu, bi aldiz pentsatuko genukeen gure erantzuna", argudiatu du.
Gaineratu duenez, Iranek 72 ordu lehenago eman zion erasoaren berri AEBri. "Gure operazioak hasi baino 72 ordu lehenago, Iranek Israelen aurka egiteko prestatutako erantzuna ziurra, legitimoa eta ezeztaezina zela jakinarazi genien gure eskualdeko lagun eta kideei", azaldu du Abdoulahianek Irango hedabideek jaso duten prentsaurrekoan.
"Israelen aurkako gure operazioa mugatua eta bere burua defendatzeko izango zela jakinarazi zitzaion AEBri", esan du, eta "ez dugu gatazka eskualdean zabaldu nahi", erantsi du.
Ebrahim Raisi Irango presidentearen hitzetan, "bart, Guardia Iraultzailearen seme ausartek, herrialdeko defentsa sektore eta politikari guztien lankidetzarekin eta koordinazioarekin, orrialde berri bat ireki zuten Irango agintearen historian, eta irakaspen bat eman zioten etsai sionistari".
Irango Indar Armatuen Estatu Nagusiko buruak, Mohamad Hosein Baqerí jeneralak, berriz, AEBri ohartarazi dio Iranek AEBk eskualdean dituen baseei erasoko diela, baldin eta Etxe Zuriak Israelen erasoak babesten baditu.
Zure interesekoa izan daiteke
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.