AEBko Behe Ganberak 95.000 milioiko laguntza onartu du Ukrainarentzat, Israelentzat eta Taiwanentzat
Ameriketako Estatu Batuetako Ordezkarien Ganberak 95.000 milioi dolarreko (88.000 milioi euro inguru) laguntza paketea onartu du larunbat honetan Ukrainarentzat, Israelentzat eta Taiwanentzat, lege-proiektua hilabete luzez geldirik egon ostean, errepublikano talde baten blokeoaren ondorioz.
Partida bakoitza modu independentean bozkatu da, eta Ukrainarako 61.000 milioiko laguntza (57.000 milioi euro inguru) aldeko 311 botorekin eta kontrako 112rekin onartu da. Saio horretan, demokratek Ukrainako banderak erakutsi dituzte.
Israelerako 26.400 milioiko partida (24.700 milioi euro inguru) aldeko 366 botorekin eta kontrako 58rekin onartu da, eta misilen aurkako defentsa sistemetarako eta defentsarako arma aurreratuen sistemak erosteko erabiliko da, batez ere. 9.200 milioi dolar (8.600 milioi euro inguru) laguntza humanitariorako izango dira.
Beste bozketa batean, Indo-Pazifikoko (Taiwan, besteak beste) segurtasunerako funtsak onartu dira aldeko 385 botorekin eta kontrako 34rekin. Besteak beste, 8.100 milioi dolar (7.600 milioi euro inguru) emango dituzte Txinak Indo-Pazifikoko eskualdean egiten dituen ekintzei aurre egiteko, eta 2.000 milioi dolar (1.875 milioi euro inguru) Taiwanentzat eta beste aliatu batzuentzat, finantzaketa militar gisa.
Lege-proiektua Senatuan onartu beharko dute orain, Alderdi Demokratak gehiengo estua duen ganberan.
"Mezu argia da AEBk mundu mailan duen lidergoaren inguruan", dio Bidenek
Proiektua aurrera atera ostean, Joe Biden presidenteak ohar bat kaleratu du erabakia goraipatuz. "Segurtasun nazionaleko interesak" defendatzeko ona dela esan du, baita "mezu argia" ere, "AEBk mundu mailan duten lidergoaren inguruan" ere.
Volodimir Zelenski Ukrainako presidenteak, bestalde,"eskerrak" eman dizkio Ukrainari laguntza emateagatik.
Zelenskiren arabera, "funtsezkoa" zen laguntza honi esker, gerrak "hedatzen jarraitzea" eragotziko dute, eta, aldi berean, "milaka eta milaka bizitza salbatuko ditu eta bi nazioei indartsuagoak izaten lagunduko die", X sare sozialean zabaldu duenez.
Ukrainako presidenteak eskerrak eman dizkie Ordezkarien Ganberari, alderdi errepublikano eta demokratari eta Mike Johnson Behe Ganberako presidenteari, azken horri modu pertsonalean.
Zure interesekoa izan daiteke
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.