Ekuadorrek salbuespen egoera ezarri du 60 egunerako sektore elektrikoaren krisiagatik
Daniel Noboa Ekuadorko presidenteak salbuespen egoera ezarri du sektore elektrikoaren krisiak eragindako egoeragatik. Itzalaldiak izaten ari dira herrialde osoan, eta Gobernuak "sabotajeak" izan direla salatu du. Igande honetan, segurtasunari eta konstituzioaren erreformari buruzko galdeketa egingo dute Ekuadorren.
60 egunez egongo da indarrean salbuespen egoera, denbora tarte horretan energia krisia gainditzea eta "defizit energetikoari" aurre egitea espero baitute.
Neurria indarrean dagoen bitartean, energia azpiegiturak militarrek eta poliziek zainduko dituzte, sabotajeak galarazteko. Dena den, beste salbuespen egoera batzuetan ez bezala, oraingoan ez da etxeratzeko agindurik izango.
Ekonomia eta Finantza Ministerioak zehaztuko ditu larrialdi egoerari aurre egiteko baliabideak, baina, printzipioz, osasunean eta hezkuntzan ez da murrizketarik izango.
Aurreko igandetik, itzalaldiak izaten ari dira Ekuador osoan, zortzi orduraino irauten dutenak, Mazar urtegia (herrialdeko handiena eta herrialdeak behar duen argindarraren herena ekoizten duten hiru zentral hidroelektriko hornitzen dituena) ur nahikorik gabe geratu ostean.
Gainera, Kolonbiatik iristen zen argindarraren hornidura ere etenda dago, lehortearen ondorioz ezin duelako sobera energia sortu.
Hasieratik arrazoi klimatikoak aipatu diren arren, Ekuadorko Gobernuak esan du sabotajeak ere izan direla.
Horren harira, Noboak Andrea Arrobo Energia ministroaren dimisioa eskatu du asteon, eta ikerketa bat jarri du abian gertatzen ari dena aztertzeko. Ikerketaren atariko emaitzen arabera, Arrobok eta beste 20 pertsonak egoera energetikoaren inguruko informazioa ezkutatu dute.
Zure interesekoa izan daiteke
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.