New Yorkeko auzitegi batek bertan behera utzi du Harvey Weinsteinen espetxe zigorra
New Yorkeko Apelazio Auzitegiak baliogabetu egin du ostegun honetan Harvey Weinsten zinema ekoizlearen aurkako zigorra, 2020ko prozesu judizialean izandako akatsengatik. Prozesu horrek 23 urteko kartzela-zigorra ezarri zion eta #MeToo mugimenduaren sorrera ekarri zuen.
Gortearen epaiaren arabera, errekurtsorik onartzen ez duena, epaileak bidegabe deitu zituen zenbait emakume lekuko gisa deklaratzera, ekoizlearen biktima izan zirela ziurtatu zutenak, egindako salaketak epaitutako gertakarien parte ez zirenean.
"Akats handi horien konponbidea epaiketa berri bat da", dio epaiak.
Weinstein (72 urte) bi espetxe-zigor betetzen ari da New Yorken, bata 23 urtekoa eta bestea 16koa, sexu-abusuekin lotutako delituengatik.
Weinsteinek 2020an jaso zuen lehen zigorra, hainbat emakumek urteetan zehar egindako sexu-jazarpenak edo erasoak salatu ondoren. Erruduntzat jo zuten Miriam Haley produkzio-laguntzaileari sexu-abusua egiteagatik eta Jessica Mann bortxatzeagatik.
Lehen epaiketa hark, orain baliogabetua, hasiera eman zion #MeToo mugimendu estatubatuarrari, gero mundu mailara zabaldu zena, eta ikuskizunen munduan eta oro har lan-inguruneetan sexu-abusuak jasan zituztela ziurtatzen zuten emakumeen testigantza publikoak batu zituena.
Manhattango fiskaltzak atsekabea adierazi du auzitegiaren erabakiagatik. "Gure esku dagoena egingo dugu kasua berriz epaitzeko, eta tinko eusten diogu sexu-erasoetatik bizirik atera zirenekin dugun konpromisoari", adierazi du Emily Tuttle bozeramaileak.
Bigarren zigorra, 16 urtekoa
Beranduago, 2023an, Los Angeleseko Auzitegi Nagusiak (AEB) 16 urteko kartzela-zigorra ezarri zion 2013ko otsailean aktore eta modelo italiar bat bortxatu eta sexu-abusua egiteagatik. Zigorra oraindik betetzeko zituen 20 urteen ondoren bete beharko luke.
Ekoizlea zazpi kargurengatik epaitu zuten, 2005 eta 2013 artean lau emakumeri egindako sexu-abusuak leporatuta, guztiak ustez Los Angeleseko hoteletako geletan.
Horietako bi bortxaketagatik ziren, eta beste bostak sexu-jazarpenagatik. Weinstein absolbitu egin zuten leporatzen zizkioten karguetako batetik, eta gainerakoetan epaimahaiak ezin izan zuen erruduntasun-akordiorik lortu.
Guztira, 80 emakumek baino gehiagok salatu dute sexu-delituengatik.
Zure interesekoa izan daiteke
Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipen honek, ordea, 2026ko kontu orokorrak onartzeko bidea errazten du.
Donald Trump, Europako agintariei buruz: "Ahulak direla uste dut, ez dakite zer egin"
AEBko presidenteak elkarrizketa egin dio Politico hedabide espezializatuari, eta aho-bizarrik gabe hitz egin du. Ukrainako gerrari buruz, Zelenskik "esnatu" egin beharko duela uste du.
Bertan behera utzi dute Maria Corina Machadok Osloko Nobel Institutuan eman beharreko prentsaurrekoa, eta zalantzak daude oraindik saria jasotzeko izango egongo ote den
Venezuelako oposizioburuak Norvegiako hiriburura joan egingo dela ziurtatu dio Nobel Institutuari. Hala izango balitz, Machadok 2024ko abuztua ezkero lehenengoz agertuko litzateke jendaurrean. Bakearen Nobel Batzordearen buruak bidaia "arriskutsua" dela esan du, Nicolas Maduroren Gobernuak Machadoren aurka har ditzakeen errepresaliak direla eta.
Zelenskik berretsi du ez duela lurralderik lagako eta bake planaren beste berrikuspen bat prestatzen ari da
Zelenskik azaldu duenez, Donald Trumpen administrazioak aurkeztutako planaren hasierako 28 puntuetatik Kieventzat guztiz onartezinak ziren zortzi puntua erretiratu dituzte, Kievek eta Washingtonek Genevan, Abu Dabin eta Miamin egin dituzten bileretan.
Dinosauroen aztarnategi handiena aurkitu dute Bolivian
Paleontologo talde batek 16.000 dinosauro lorratz baino gehiago identifikatu ditu Carreras Pampa aztarnategian, Torotoro Parke Nazionalean. Dinosaurook oinez, korrika eta igerian ibili ziren, duela milioika urte kostaldea izandako lurraldean.
Japoniak tsunami alerta kendu du, eta ohartarazi du beste lurrikara bat egon daitekeela
Japoniak tsunami alerta bertan behera utzi du astelehen honetan herrialdearen iparraldea astindu zuen 7,5 graduko lurrikararen biharamunean, baina agintariek alerta berezia aktibatu dute datozen egunetan ezohiko lurrikara bat izateko arriskua baitago.
Zelenskik eta E3ko liderrek aurrerapauso gutxirekin amaitu dute Londresko bilera, "une kritiko" honetan
Ukrainako presidenteak "bakerako urrats txikiak" izan direla esan du, hala ere, eta laster AEBri Trumpen planaren bertsio berrikusia itzultzea espero duela. Bileraren ostean, Ukrainako presidentea Bruselara joan da, bilera izango baitu asteartean Von der Leyenekin, Costarekin eta Rutterekin.
Paramountek Warner Bros erosteko 108.400 milioiko eskaintza oldarkorra egin du, eta Netflixen eskaintza gainditu
Ostiralean jakinarazi zen Netflixek Warner Bros. Discovery erosi zuela 82.700 milioi dolarren truke, eta astelehen honetan Paramount Skydancek eskaintza gainditzen duen EEP oldarkorra aurkeztu du.
7,6 graduko lurrikara batek Japoniako iparraldea astindu du eta tsunami alerta ezarri dute
Agintariek 23.000 pertsona baino gehiago ebakuatu dituzte hiru metrorainoko olatu arriskuagatik. Tohoku Electric Power enpresa, lurrikararen inguruan dauden bi zentral nuklearren operadorea, lantegietako egoera aztertzen ari da.
Swinneyk Eskoziaren independentziarako bideari berrekingo dio, hauteskundeak gehiengo nahikoarekin irabaziz gero
Eskoziako egungo ministro nagusi eta Eskoziar Alderdi Nazionalistako buru denak, independentzia ardatz hasita ekin dio datorren urteko hauteskundeetarako kanpainari. Maiatzean izango dira bozak.