Israelek dio Rafahren lurreko inbasioa bertan behera utziko duela Hamasekin bahituei buruzko ituna eginez gero
Israel Katz Israelgo Atzerri ministroak esan du Rafah hirian lurreko inbasioa abiatzeko asmoa bertan behera utziko dutela Hamas talde islamikoarekin bahituak aske uzteko akordioa eginez gero. Israelgo bonbardaketetatik ihesi etxea utzi behar izan zuten milaka herritarrek hartu dute aterpe Rafahn, eta Israelek asteak daramatza lurreko erasoaldia prestatzen.
"Bahituak askatzea oso garrantzitsua da guretzat; beraz, bai: akordioa lortzen badugu, operazioa bertan behera geratuko da", adierazi du Canal 12 telebistan egindako adierazpenetan.
Israelgo iturri ofizialek hedabideetan zabaldutakoa baieztatu du Katzek horrela, eta gaineratu du azken orduotan Hamasi aurkeztutako eskaintza dela Hamasek su-etena lortzeko "azken aukera", bestela Israelgo Armadak erasoaldia abiatuko duelako hiriaren aurka.
Yedioth Aharonoth egunkarian agintari israeldar batek aipatu zuen Hamasekin, Egiptoren eta Qatarren bitartekaritzari esker, izaten ari diren elkarrizketak "oso onak" izaten ari direla, "alderdi guztietan ematen ari garen urratsengatik".
Negoziazioen berri duen Egiptoko segurtasun iturri bat aipatuta agentziek azaldu dutenez, Egiptok eta Israelek Tel Aviven dituzten ordezkaritzen arteko elkarrizketak "neurri handi batean positiboak eta arrakastatsuak" izan dira, eta Hamasen "eskaera asko" jaso dituzte.
Hamaseko ordezkaritza bat, Jalil al Haya buru dela, astelehenean Kairora iristea espero da. Iturri beraren arabera, edukiari buruzko xehetasunik eman ez badu ere, proposamen berri honek"su-etena, presoen eta bahituen trukea eta Gazako Zerrendara laguntza sartzea zailtzen duten oztopoak gainditzen ditu".
Su-etenaren balizko iragarpenak "lehen fase bat onartzea ekarriko luke, eta nazioarteko komunitate osoa bultzatuko luke behin-behineko su-eten hori sendotu eta iraunkor bihurtzeko ahaleginak egitera", informatzailearen arabera.
Bestalde, Hamasen gertuko iturri baten esanetan, Israelen azken proposamenari emandako erantzunean jasotzen da "Hamasek askatuko dituen bahituen kopuru minimoa jaistea eta Gazako Zerrenda zatituta egoteari uztea".
Zure interesekoa izan daiteke
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezen eskaeraren eta Europako beste 22 liderrek sinatutako gutunaren ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenek dio Europako mugen kontrola "are gehiago indartu behar dela"
Europako Batzordeko presidenteak ohartarazi duenez, "adi egon behar dugu sarrera-gune kritiko guztietan, eta agintari guztien arteko koordinazio estua mantendu". Era berean, “ikasgaien azterketa-prozesu bat" egitea eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.