Palestinari eskubide gehiago ematekotan da NBEren Batzar Orokorra, Segurtasun Kontseiluaren betoa jaso ostean
Nazio Batuen Erakundearen (NBE) baitan estatus berria izan lezake aurki Palestinak. Bozketa garrantzitsua dute gaur arratsaldean NBEren Batzar Orokorrean, estatukide behatzaile gisa dagozkion eskubideak handitzea proposatzen duen ebazpena eztabaidatuko baitute herrialdeek.
AEBk Palestina eskubide osoko kide izateari betoa ezarri zion apirila amaieran Segurtasun Kontseiluak, eta beto horren ostetik etorri da gaurko ekimena.
Batzarra 14:00etan abiatuko da (GMT ordutegia, 16:00etan Euskal Herrian). 30 bat herrialdek bultzatu dute ebazpena, eta Palestinaren asmoei babesa ematea eta AEBren jarrera publikoki gaitzestea du helburu. AEB bakarrik geratu dela ikusarazi nahi dute.
Batzar Orokorrak ezin du herrialde bat eskubide osoko kide izendatu (Segurtasun Kontseiluari dagokio hori soilik), baina "eskubide eta pribilegio osagarriak" aitor diezazkioke. Hala nola, proposamenak bakarka edo taldean aurkezteko aukera, erreplika eskubidea eskatzea, edo agendan moldaketak egitea galdegitea.
Onartuko balitz, Palestinako estatusa bakarra litzateke NBEn, estatu behatzaile (Vatikanoa) eta eskubide osoko estatuaren artean, erdibidean.
Testuan Segurtasun Kontseiluari zuzendutako mezua ere txertatu dute. "Palestinako Estatuak eskubide osoko estatu jotzeko baldintzak betetzen ditu, eta Segurtasun Kontseiluari gaia berriz heltzeko gomendatzen diogu. Palestinako herriak autodeterminaziorako eskubidea du, eta horretarako estatu independente izateko eskubidea aitortu behar zaio eta Israelgo okupazioa amaitu", irakur daiteke.
Ebazpena sustatu duten herrialdeek ñabardura bat erantsi dute adierazpenean, babes gehiago lortze aldera. Zehaztu dutenez, Palestinaren estatus berria "salbuespenezkoa" da eta ez du "aurrekaririk sortuko". Hain justu, Taiwanek edo Kosovok halako aitortza eskatuko duten beldur ziren Txina eta Serbia.
Aurretik ere Palestinaren aldeko ebazpenak onartu ditu Batzar Orokorrak. Abenduan su etena galdegin zuten 150 aldeko botorekin. Gaurko bozketarako antzeko emaitza espero da, edo hortik gorakoa —ganberaren bi heren behitzat, bai—. 100 kidek baino gehiagok eskatu dute hitza hartzea, tartean Espainiak.
Zure interesekoa izan daiteke
AEBk Raul Castro Kubako presidente ohia inputatu du 1996an bi hegazkin erasteagatik
Duela berrogei urte, Kubako ehiza-hegazkinek Floridako itsasartean Anai erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.
Flotillaren abokatuek salatu dute aktibistak atxilotu zituztenetik inkomunikatuta dauzkatela
"Atzo hasi ziren itsasontziak geldiarazten, eta orain arte, ia 30 ordu geroago, oraindik ezin izan dugu baieztatu aktibistak Israelera iritsi direnik", adierazi dute.
Putin Txinan da, Xi Jinpingekin harremanak sendotzeko
Donald Trumpen bisitatik egun gutxi igaro direnean, Errusiako presidenteak hartu du lur Pekinen. Bi eguneko bidaia egingo du eta, tartean, Xi Jinping Txinako agintari nagusiarekin bilduko da. Ekialde Hurbila eta Ukraina izango dira bidaia honetan zehar jorratuko dituzten gaietako bi, baina 40 bat akordio sinatzea ere espero dute; horietako batzuk, energiaren arloan.
Kongoko EDko Gobernuaren arabera, 134 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.