Behin-behineko espetxealdia ezarri diote Eslovakiako lehen ministroaren erasotzaileari
Auzitegi batek agindu du Juraj Cintulak behin-behinean preso jarraitzea, ihes egin dezakeela edo berriro delitu bat egiteko arriskua dagoela argudiatuta. Eslovakiako lehen ministro Robert Ficori tiro egin eta larri zauritzeagatik atxilotu zuten.
Horrela, Fiskaltzaren eskaera onartu du Pezinok hiriko Zigor Auzitegi Espezializatuko instrukzioko epaileak. Cintulak, baina, helegitea aurkez dezake erabaki horren aurka, auzitegi horretako bozeramaile baten hitzetan.
Cintulak aurrenekoz deklaratu du gaur erasoa egin zuenetik, segurtasun neurri zorrotzak tarteko.
Poliziak hilketa saiakera egotzi dio, asteazkenean Ficori bost tiro emateagatik. Hori horrela, gutxienez 25 urteko kartzelaldiari egin beharko dio aurre, eta baliteke biziarteko kartzela-zigorra jasotzea.
Gaurko saioan, Cintulak errudun dela onartu du, TA3 irrati kateak jakitera eman duenez. Galdeketan esan du lehen ministroari tiro egin ziola haren politikekin ados ez dagoelako eta zauritu nahi zuelako, "hiltzeko asmorik gabe".
Fico ospitalean dago egonkor, bere kordean, baina larri. Asteazkenetik bi ebakuntza egin dizkiote, lau bala zauriak osatze aldera.
Ministroen Kontseiluak egindako bileratik atera zenean tirokatu zuten Fico, Handlova hirian.
Erasotzailearen profila kontraesankorra da: Fico kritikatzen du, indarkeriaren aurka dago, baina iraganean ideologia ultranazionalistetatik eta arrazistetatik gertu egon zen.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.