Nuseirateko alkatea eta lau lagun gehiago hil ditu Israelek udal eraikin bati eraso eginda
Nuseirateko alkate Iyad Al-Maghari eta lau pertsona gehiago hil ditu Israelek, Gazako Zerrendaren erdialdean udal eraikin baten aurka burututako erasoan. Ordu batzuk lehenago, 40 lagun hil ditu, gehienak NBEk palestinar errefuxiatuentzat duen eskola bateko umeak.
Wafa albiste-agentzia palestinarraren eta Al Jazeerako berriemaileen arabera, guztira bost pertsona hil dituzte azken eraso horretan.
Al Mayedeen webguneak ere eman du albistea, eta "martiritzat" jo ditu erasoan hildako lagunak.
Esan bezala, Nuseirateko errefuxiatuen kanpaleku baten kontrako erasoaren ondotik iritsi da atentatua.
Netanyahuk AEBko Kongresuan hitz egingo du
Bitartean, bart jakin da Israelgo lehen ministro Benjamin Netanyahuk AEBko Kongresuan hitz egingo duela datorren uztailaren 24an.
"Atseginez jakinarazten dizuet Israelgo lehen ministroa uztailaren 24ko bileran izango dela", dio Mike Johnson Ordezkarien Ganberako presidentearen eta Senatuko errepublikanoen buru Mitch McConnellen iragarpenak.
"Israelgo Gobernuak demokraziaren defentsan, terrorismoaren aurka eta bakearen alde duen ikuspuntua ezagutu nahi dugu", oharraren arabera.
AEBko Kongresuko buruzagitzak ostiralean gonbidatu zuen Netanyahu bilera horretara, bi ganberen aurrean "demokraziaren defentsan" eta "terrorismoaren kontrako borrokan" duen ikuspegia ezagutze aldera.
Albiste gehiago mundua
Trumpek %100eko muga-zergekin presionatu du Errusia, eta NATOrekin adostu du aliatuek finantzatutako armak bidaltzea Ukrainara
Trumpek 50 eguneko epean Errusiari %100eko muga-zergak ezarriko dizkiola iragarri du, baldin eta Moskuk Ukrainarekin su-etena eta bake prozesua hastea ahalbidetuko duen akordiorik lortzen ez badu. Aldi berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta ondoren Ukrainara transferitzeaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 15 gizon eta 15 emakume izan dira, Bese Hozat PKK-ko buruzagi gorenetako bat tartean. Gerrillako kideek metalezko ontzi handi batean erre dituzte euren armak.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
Su-etena egun gutxitan lortzea espero du Netanyahuk
“Bahitu guztiak atera nahi” dituela esan du Israelgo lehen ministroak. Sarraskia "bihar amaitu liteke, gaur Hamasek armak uzten baditu”, gaineratu du.
Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Brasilen eta AEBren arteko krisi diplomatikoa areagotu egin da, Trumpek % 50eko muga-zergak ezarriko dituela iragarri berritan
Jair Bolsonaro Brasilgo estatuburu ohi eta presidente estatubatuarraren kontra Gorte Gorenean egingo duten epaiketa da azken gatazka honen abiapuntua. 2022ko hauteskundeak galdu ostean, Lula da Silvaren aurkako estatu-kolpe saiakera egitea leporatuta epaituko dute.