Europako Batzordeak % 38,1era arteko muga zergak iragarri ditu Txinako auto elektrikoen aurka
Europako Batzordeak iragarri du uztailaren 4tik aurrera Txinako auto ekoizleek gehiago ordaindu beharko dutela ibilgailu elektrikoak Europar Batasunean saltzeagatik. Txinako Gobernuak erantzun du "protekzionismo kasu tipikoa" dela, eta iragarri du Asiako erraldoiak "beharrezko neurriak" hartuko dituela "Txinaren eskubide eta interes legitimoak babesteko".
Ohar bidez Europako Batzordeak adierazi duenez, muga zergak ezberdinak izango dira ekoizlearen eta kolaboratzeko erakutsi duten borondatearen arabera. Esaterako, BYD etxeak % 17,4 gehiago ordaindu beharko du, Geelyk % 20, eta SAICek % 38,1.
Halaber, Europako Batzordearekin lankidetzan aritu diren fabrikatzaileek % 21eko muga zerga izango dute eta lagundu ez duten gainerakoek, berriz, % 38,1ekoa.
Txinan autogintzako enpresek jasotzen dituzten laguntza publikoengatik hartu du erabakia Europako Batzordeak, uste baitu abantaila "desleiala" dutela eta horrek "kalte ekonomikoa" egiten diela Europar Batasuneko ekoizleei.
Hala ere, ez da behin betikoa eta Europako Batzordeak atzera egin dezake bere erabakia. Europako Batzordea Txinarekin harremanetan jarri da bere ondorioak jakinarazteko eta konponbideak aztertzeko.
Margaritis Schinas Europako Batzordeko presidenteordeak gaur Bruselan egindako prentsaurrekoan azaldu duenez, Batzordeak bere ondorioak helarazi dizkie Txinako agintariei, eta Munduko Merkataritza Erakundearekin "bateragarria" izango den irtenbide bat bilatzeko deia egin die. Adostasunik ezean, uztailaren 4tik aurrera aplikatuko dira muga zergak.
Europar Batasuneko herrialdeen artean ere ez dago erabateko adostasunik. Alemania eta Suedia esaterako Europar Batasunaren eta Txinaren arteko balizko gerra komertzialaren beldur dira. Espainiak eta Frantziak, berriz, ontzat ematen dute muga zergak ezartzea.
2023ko urritik 2024ko urtarrilera Txinatik Europar Batasunera ia 200.000 auto elektriko iritsi zirela antzeman ondotik, aurreko urteko epe berean baino % 14 gehiago, inportazio horien gaineko zaintza areagotu eta ikerketa abiatu zuen Europako Batzordeak.
Txina % 25eko muga-zergekin erantzutea planteatzen ari da
Gaur emandako prentsaurreko batean, Lin Jian Txinako Atzerri Ministerioko bozeramaileak merkataritza librearen alde eta "protekzionismoaren" aurka egiteko "konpromisoa betetzeko" eskatu dio Bruselari. "EBk eta Txinak lankidetza ekonomiko eta komertziala babesteko lan egin behar dute", ziurtatu du.
Oraingoz, Pekinek ez du ofizialki iragarri zergak ezarriko dituenik Europari erantzuteko, baina Xi Jinpingeko Gobernuak adierazi du prest daudela zilindrada handiko motorrekin inportatutako autoei % 25erainoko muga-zergak ezartzeko, eta horrek, batez ere, Mercedes-Benz eta BMW konpainiei eragingo lieke.
Zentzu horretan, Oliver Zipse BMW Alemaniako auto ekoizlearen administrazio kontseiluko presidenteak Europako Batzordearen erabakia kritikatu du. Zipsek esan duenez, muga-zergak "bide okerra" dira, eta "Europako Batzordea Europako enpresei eta interesei kalte egiten ari zaie".
Europako fabrikatzaileen patronalak ere, horien artean Espainiako Anfac, "merkataritza askearen" eta "justuaren" alde agertu dira.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.