Israelgo Armadak palestinarrak erabiltzen ditu giza ezkutu gisa: "Hobe da haiek lehertzea, eta ez soldaduak"
Israelgo Armadak (FDI) zibil palestinarrak erabili dituzte tunelak eta eraikinak miatzeko Gazako Zerrendan egindako operazioetan. "Hobe da haiek lehertzea, eta ez soldaduek", hori izan da Israelgo militarrek goi-agintariengandik jaso duten justifikazioa.
Haaretz egunkari israeldarraren arabera, praktika horiek behin eta berriz eraman dituzte aurrera, helburu horretarako berariaz atxilotu dituzten zibil palestinarrak erabiliz, eta FDIko goi-agintariak jakinaren gainean egon dira.
"Esan zuten gure bizitzak haienak baino garrantzitsuagoak direla, azkenean hobe dela gure soldaduak bizirik jarraitzea lehergailu batekin eztanda egitea baino", onartu dute soldadu batzuek Israelgo egunkari horretan.
Armadak, ostera, ziurtatu du horrelako praktikak debekatuta daudela eta informazio hori ikertzen ari direla.
Preso palestinar bat sodomizatzeagatik atxilotutako soldaduak etxean giltzapetu dituzte
Bestalde, Sde Teiman kartzelan, Israelgo hegoaldean, preso palestinar bati sexu-abusuak egiteagatik atxilotuta jarraitzen zuten bost militar israeldarrak etxean giltzapetuta egongo dira datorren asteko ostegunera arte, Fiskaltzak hala eskatuta, Haaretz egunkariak baieztatu duenez.
Uztailaren 29an, 10 militar atxilotu zituzten preso palestinarraren aurkako ustezko abusuagatik. Ospitalera hainbat saihets hautsita eta beste hezur batzuetan abusu zantzuak zituela iritsi zen, heste lodian urradura bat zuela eta ondestetik objektu arrotz bat sartzeagatik birika batean kalteak zituela, gertatu eta gutxira Israelgo irrati publikoan artatu zuen medikuak azaldu zuenez.
Ordutik, soldaduen atxiloketa astero luzatu da, baina bostek bakarrik jarraitzen dute auziperatuta.
Hamas erakunde islamistak esan du bost atxilotuak etxean giltzapetzea Armadaren "konplizitate irekia" eta "egindako krimen lazgarriak estaltzeko saiakera" dela, Israelgo agintarien babesarekin.
Gainera, Hamasek kasua ikertzeko deia egin dio nazioarteari, bereziki erakunde juridikoei: "Ikerketa sionista lotsagarriak ezin ditu nazioarteko ikerketak ordezkatu".
Ez da "kasu bakana"
Israelgo B 'Tselem gobernuz kanpoko erakundearen txosten baten arabera, Sde Teiman kartzelako erasoa ez da "kasu bakana". Erakundeak 55 preso elkarrizketatu zituen eta, haien testigantzen artean, beste palestinar batena dago. Palestinar horrek azaldu zuen soldadu bat azenario bat uzkitik sartzen saiatu zela.
Espetxe horretan, Israelgo agintariek torturak, jipoiak eta sexu-erasoak egiten dituzte segurtasun kamerarik gabeko eremuetan palestinarren aurka, horietako asko kargu formalik izan gabe preso, Israelgo Giza Eskubideen aldeko Medikuak gobernuz kanpoko erakundeak eta Amnistia Internazionalak egindako salaketen arabera.
Urriaren 7tik, milaka palestinar, batez ere gazatarrak, Negeveko hegoaldeko basamortuan dagoen Sde Teimanen espetxeratu dituzte. Epe berean, 60 palestinar hil dira Israelgo kartzeletan, eta horietatik 48 gazatarrak, B 'Tselemen arabera.
Zure interesekoa izan daiteke
Giza eskubideak "gobernu suntsitzaileen" jopuntuan daudela ohartarazi du Amnistiak
GKEak nazioarteko zuzenbidearen aurkako erasoak, autoritarismoaren gorakada eta Gaza zein Ukraina gisako gatazketako zigorgabetasuna salatu ditu.
Iranek AEBri ohartarazi dio ez duela "mehatxupean eta presiopean" negoziatuko eta Vancek bidaia atzeratu du
Su-etena amaitzeko ordu gutxiren faltan, Pakistanek Irani elkarrizketetan parte hartzeko deia egin dio. Bien bitartean, Donald Trum presidenteak ziurtzat jo du Iran Islamabadeko negoziazio mahaian eseriko dela, eta baieztatu du ordezkaritza estatubatuarra bidaliko duela. Hala ere, Vancen bidaia atzeratzeak egonezina areagotu du.
Bi lagun hil eta hainbat zauritu dira Mexikon, tiroketa batean, Teotihuacango piramideetan
Erasotzailea turistei tiroka hasi zaie, Ilargiaren piramidera igota. Kanadako emakume bat hil du eta hainbat pertsona zauritu ditu; gero, bere buruaz beste egin du.
Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Israel eta Libano bigarren aldiz elkartuko dira ostegunean, Washingtonen
Etxe Zuriaren eledun batek jakinarazi duenez, negoziazioen bigarren txandari ekingo diote Israelek eta Libanok apirilaren 23an, eta Washingtonek hartuko ditu elkarrizketa horiek berriro.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdiak" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.