Pavel Durov Telegramen sortzailea atxilotu dute Frantzian
Pavel Durov (Telegrameko sortzaileetako bat) atxilotu dute bart Frantziako agintariek, Paris-Le Bourget aireportuko pistan zuen hegazkin pribatutik jaisten ari zela.
Aireko Garraioen Jendarmeriak atxilotu du 39 urteko aberats frantziar-errusiarra, Ikerketa Kriminaleko Zuzendaritza Nazionalaren Adingabeen Bulegoak (OFMIN) horren kontra igorritako atxilotze agindua betez, aurretiazko ikerketa bat oinarri hartuta.
Frantziako Justiziaren ustez, Telegrameko moderazio faltak eta Pavel Durovek agintariekin duen lankidetza faltak, plataformak eskaintzen dituen tresnekin batera, hala nola erabili eta botatzeko zenbakiak eta kriptografia, droga-trafiko, pedofilia eta iruzur delituen konplize bihurtzen dute.
Datozen orduetan instrukzio epaile baten aurrean agertzea espero da. Frantziako hedabideen arabera, besteak beste, terrorismoa, droga-trafikoa, konplizitatea, iruzurra, diru-garbiketa eta eduki pedofiloen banaketa egotziko dizkiote Durovi.
Telegram gailu elektronikoetarako berehalako mezularitzako plataforma enkriptatua da, 2013an Pavel Durovek eta Nikolai Durov anaiak WhatsApp aplikazioaren alternatiba gisa kaleratutakoa. Dubain du egoitza, eta bertan bizi da Durov 2017tik.
Durovek errusiar hiritartasuna du, baina baita frantsesa ere 2021etik, eta Arabiar Emirerri Batuena ere bai.
Errusiako diputatu eta senatariek hura askatzeko eskatu dute
Errusiako hainbat diputatu eta senatarik Pavel Durov askatzeko eskatu dute igandean. Vladislav Davankov Duma edo diputatuen ganberako presidenteordeak Sergei Lavrov Atzerri ministroari eskatu dio galdegin diezaiela Frantziako agintariei Pavel Durov askatzeko. Azpimarratu duenez, "nekez egin du inork lan gehiago Errusiako eta munduko zerbitzu digitalak garatzearen alde".
Berak eta beste diputatu eta senatari errusiar batzuen ustez, atxiloketak motibazio politikoa izan dezake, eta susmoa dute ez ote den Telegrameko erabiltzaileen informazio konfidentziala eskuratzeko mugimendu bat.
Bestalde, Dmitri Medvedev Errusiako presidente ohiaren esanetan, Moskuren etsaientzat Durov "errusiarra da, eta, beraz, iragarrezina eta arriskutsua da".
Elon Muskek Durov askatzeko eskatu du
X sare sozialaren jabeak, Elon Muskek, Pavel Durov askatzeko eskatu du.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.