30 hildakotik gora eragin ditu Israelek Gazan azken orduetan, tartean emakumeak eta haurrak
Israel eta Libano arteko mugan egoera baretu bada ere, Israelgo Armadak Gazako Zerrendako hainbat punturen aurkako erasoekin jarraitu du, eta 30 hildako eta 66 zauritu baino gehiago eragin ditu. Dagoeneko, 40.435 hildako eta 93.534 zauritu zenbatu ditu gerra hasi zenetik Gazako Osasun Ministerioak.
Nuseirateko kanpamendutik gertu, Israelgo Defentsa Indarrek (FDI) desplazatuak jasotzen zituen Al Ezz bin Abdul Salam eskola bonbardatu dute. Oraingoz, ez da zehaztu zenbat pertsona hil eta zauritu diren leku horretan, baina jakina da hainbat emakume eta haur zeudela bertan.
Bestetik, Jan Yunisen Hamasen eraso bati erantzun diotela bat baieztatu dute FDIko indarrek, "eskola baten inguruan". Armadak dioenez, jaurtigaiak jaurtitzen zituzten lekua "modu selektiboan" suntsitu zuten, baita "beste azpiegitura terrorista bat" ere. Horrez gainera, Deir al Balahko hego-ekialdean, Israelgo droneek bi pertsona hil dituzte.
Armadak konfirmatu du Rafan eta Gazako hainbat hiritan operatiboak eta erasoak egiten jarraitzen dutela.
Bien bitartean, Israel eta Libano arteko mugan erasoak gutxitu egin dira, igandean Israelgo Armadaren eta Hezbollah talde xiitaren artean izandako eraso gurutzatuen ostean. Hala ere, goizean zehar, Hamaseko komandante bat, Nidal Hleihil, larri zauritu dute Israelek Sidon hiritik gertu drone batekin egindako erasoan. Bi jaurtigairen kolpea jaso du auto batean zihoanean, 'Al Nahar' egunkari libanoarraren argitalpen digitalak jasotzen duenez.
Era berean, Israelek larrialdi militar egoera mantentzen du. Horrek, eraso gehiago izanez gero, Israelgo indar armatuei herritarrei jarraibideak helarazteko aukera ematen die.
Larunbatetik iganderako gaua bonbardaketa eta eraso gurutzatuen gaua izan zen. Israelek bonbardaketa gogorrak egin zituen Libano hegoaldean, borrokarako 100 hegazkin baino gehiago erabilita. Eraso prebentiboa izan zen, Hizbula herrialdearen iparraldera eta erdialdera zuzendutako berehalako eraso handi baterako prestatzen ari zela identifikatu baitzuten. Hezbollahk 340 jaurtigai bidali zituela jakinarazi zuen eta erasoa arrakastatsutzat jo zuen.
Guztira, lau hildako izan ziren: hiru Libano hegoaldean, horietako bat Amal talde xiitako miliziano bat, eta Israelgo Itsas Armadako soldadu bat.
Milizia xiitak duela aste batzuk iragarri zuen eraso hau egingo zuela. Israelek uztailaren 30ean Beiruteko kanpoaldean egindako bonbardaketa batean hil zen Fuad Shukr komandante militar gorenaren hilketaren mendekua izan da.
Horrez gainera, Hezbollahk elkartasuna adierazi zion Hamasi —Palestinako talde islamistari— Israelek Gazako Zerrendaren aurkako erasoa hasi zuenean, urriaren 7ko erasoaren ondoren. Ordutik, gora egin du borroen mailak Israel eta Libano arteko mugan eta 2006ko gatazkatik izandako larriena bihurtu da. Hilabeteotan, 630 pertsona baino gehiago hil dira.
Iranek ere Israelen aurkako erasoak agindu ditu, uztailaren 31n Teheranen izandako eraso baten mendeku gisa. Ismail Haniyeh Hamaseko buruzagi politikoa hil zen bertan.
Zure interesekoa izan daiteke
Kongoko EDko Gobernuaren arabera, 131 heriotza susmagarri izan dira ebolaren agerraldiaren ondorioz
MOEren zuzendariak adierazi du kezkatuta dagoela agerraldia azkar ari delako zabaltzen. Ituri probintzian hasi zen agerraldia joan den ostiralean, baina dagoeneko Kongoko Errepublika Demokratikoko ekialdeko beste bi eremutara zabaldu da.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981. urtea ezkero izandako kopururik handiena
2.707 kasu erregistratu ziren 2025ean, erakundeak 44 urtean erregistratutako kopururik handiena. Exekuzio horien ia % 80 Iranen egin ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.