Irango emakumezko preso politikoek gose greba mugagabea hasi dute Mahsa Aminiren heriotzaren 2. urteurrenean
Irango Evin espetxeko 34 emakumezko preso politikok, tartean Narges Mohammadi Bakearen Nobel saridunak, gose greba mugagabea hasi dute igande honetan, Mahsa Amini Teheranen hildako emakume kurdu-irandarraren heriotzaren bigarren urteurrenean. Amini "moralaren poliziak" atxilotu zuen 2022ko irailean buruko beloa "ondo jarrita" ez eramateagatik, eta hiru egun geroago hil zen ospitalean, jasotako jipoiaren ondorioz.
Gainera, Aminiren heriotza salatzeko protestetan sortu zen Emakumea, Bizitza, Askatasuna mugimenduaren sorrera ere "oroitu" nahi izan dute presoek, Mohamadik berak ohar batean azaldu duenez. "Evingo emakume preso politiko-ideologikoek beste gose greba bat hasi dute Iranen Gobernuaren politika errepresiboen aurka egiten ari diren protestekin bat egiteko", idatzi du.
Atzo, Evingo emakume preso politikoak elkartu eta errepresioaren aurkako abestiak abestu zituzten, Bidarzani albiste atariak zabaldu duen audio batean entzun daitekeenez.
Bestalde, Radio Farda irratiak jakitera eman duenez, Mahsa Aminiren familiak gaur, egunean zehar, etxetik ez irteteko agindua jaso du. Saqqez hirian, berriz, denda ugari itxi dituzte, eta polizia ugari atera dute kalera ingurua zaintzeko, helikoptero eta guzti, inolako ospakizunik egon ez dadin.
Dena dela, erakunde politiko eta zibilek greba orokorra deitu dute Kurdistango eskualdean eta Irango beste hiri batzuetan gaurko.
Mahsa Aminiren heriotzaren ondoren hasitako protestek hilabeteak iraun zituzten eta errepresio bortitza eginez erantzun zien Gobernuak: 500 heriotza, 22.000 atxiloketa eta 10 exekuzio izan ziren.
Protestek ez zuten, gainera, agintarien jokamoldea aldatu, eta apirilean, agintariek 'Argi Plana' kanpaina abiatu zuten, emakumeak ilea estaltzera behartzeko. "Emakumeen aurkako gerra" dela esan du Nobel saridunak.
Mohammadi sei aldiz zigortu dute 2021etik, eta 13 urte eta hiru hilabeteko espetxe zigorra ezarri diote.
Zure interesekoa izan daiteke
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.