Nor da Donald Trump hiltzen saiatzea egotzita atxilotu duten gizona?
58 urteko gizon hawaiiar bat, Ryan Wesley Routh omen dena, atxilotu dute bart Palm Beachen (Florida), Donald Trump AEBko presidente ohia hiltzen saiatzea egotzita, CNN eta Fox telebista kateek eta The New York Times egunkariak zabaldu dutenez. Dena dela, FBIk ez du atxilotutakoaren nortasunaren inguruko iruzkinik egin nahi izan, eta Reutersek ere ezin izan du modu independentean baieztatu.
AEBko zerbitzu sekretuek baieztatu duten bakarra da gizon bat atxilotu dutela Trump International Golf Club golf zelaitik ihesean ari zela. Aurrez, zuhaixken artean AK-47 bat, bi motxila eta GoPro kamera bat utzi ditu botata. Antza, bere asmoa hautagai errepublikanoa hiltzea zen, eta gertatutako guztia "hilketa saiakera" gisa ari da ikertzen FBI.
Informazio ofizialaren arabera, agenteek armatutako gizon bat ikusi dute golf zelaiko hesitik gertu. Trump handik 300-500 metrora zegoen, golfean. Poliziek ustezko erasotzailearen kontra egin dute tiro. Gizona korrika atera da, eta ibilgailu batean sartu. Lekuko batek argazkia atera dio ihesean joan den furgoneta beltzaren matrikulari, eta horri esker, handik gutxira atxilotu dute.
Aipatu hedabideek Wesleyren erregistro judizialak eskuratu ahal izan dituzte. Horien arabera, 2002an metrailadore bat legez kanpo izateagatik zigortu zuten. Erregistro horien arabera, armak ezkutatzeagatik eta harrapaketa baten ostean ihes egiteagatik ere kondenatu zuten. NBC katearen arabera, Ipar Karolinan —han bizi omen da— haren kontrako 100 kargu aurkeztu zituzten.
CNN katearen arabera, atxilotutakoa oso inplikatuta zegoen Ukrainako gerrarekin, eta 2022an Kieven egon zen.
Wesleyren X sareko, Facebookeko eta Linkedineko profilak topatu ditu Reutersek. Elon Musken sareak profila ezabatu du, gerora, erabilera arauak urratu dituela argudiatuta.
Wesley oso aktiboa zen sare sozialetan. Apirilaren 21ean Elon Muski idatzi zion: "Kohete bat erosi nahiko nizuke. Ojiba bat barruan sartu eta Putinek Itsaso Beltzean duen etxearen kontra jaurti nahiko nuke. Esan al zenidake prezioa, faborez?".
New York Times egunkariak jakinarazi duenez, 2023an Wesley elkarrizketatu zuen, Ukrainari buruz. Esan zionez, herrialdean egona zen eta hilabete batzuk eman zituen han Ukrainan borrokatzen ibilitako soldadu afganiarrak errekrutatzen.
Berak iragarri zuenez, 2016an Trumpen alde egin zuen hauteskundeetan, eta 2020an errepublikanoen aldeko jarrerari eusten zion. Duela gutxi Bidenen kontura barre egin zuen "logura duen gizona" deituta.
Wesleyren semeak CNN telebista kateari esan dionez, ez du uste aita "erokeria bat, eta are gutxiago, indarkeriazko ekintza bat" egiteko gai denik.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".