150 emakumek baino gehiagok jo dute abokatu-bulegoetara, Al Fayeden sexu-erasoak direla eta
Aurreko ostegunean, BBC telebista kate britainiarrak jakinarazi zuen bost emakumek Mohamed Al Fayed Harrods galerien jabeak bortxatu egin zituela salatu zutela.
BBCk berak 20 emakume baino gehiago elkarrizketatu zituen dokumentalerako, eta Erresuma Batuko hedabideek diotenez, 150 emakume baino gehiago joan dira orduz geroztik abokatu-bulegoetara Harrodsen lan egiten zuten bitartean enpresaburuak egindako sexu-abusuen inguruan kontsulta egitera.
Kasuak nazioarteko oihartzuna hartu du, erasoak hainbat estatutan gertatu zirelako eta biktima kopurua izugarria delako; bien bitartean, atzo, Erresuma Batuko Koroaren Fiskaltzak (CPS) onartu zuen bi aldiz atzera bota zuela Mohamed al Fayeden aurkako karguak aurkeztea, "haren aurkako froga sendorik ez" zegoela iritzita.
CPSko bozeramaile batek hedabide britainiarrei azaldu zienez, Polizia Metropolitarrak Fiskaltzari Al Fayedi buruzko bi ikerketa helarazi zizkion: 2008an, adingabe baten aurkako "sexu-abusuengatik" eta 2013an, bortxaketagatik, baina bi kasuetan baztertu egin zuten Al Fayed akusatzea.
"Akusazio bat aurkezteko, CPSk konfiantza izan behar du zigorra lor daitekeela. Bi kasuetan, gure fiskalek arretaz aztertu zituzten frogak, eta ondorioztatu zuten ezin zutela", esan zuen bozeramaileak.
Fiskaltzak Mohamed Al Fayed ikertzeko eskatu zion Poliziari, berriz, 2018an, 2021ean eta 2023an, baina ez omen zen inoiz froga nahikorik lortu haren kontrako akusaziorik aurkezteko.
Jatorri egipziarreko enpresaburua iaz hil zen, 94 urte zituela. Galesko Diana printzesaren azken bikotekidearen aita zen. Al Fayeden semea eta Diana elkarrekin hil ziren, Parisen, trafiko-istripuan.
Emakumezkoen Fulhameko entrenatzaile ohi batek dio jokalariak Al Fayeden kontra "babestu" zituztela
Bestalde, Fulhamen emakumezkoen taldeko entrenatzaile ohi Gaute Haugenesek adierazi du bere garaian "babes neurriak" hartu zituztela Mohamed Al Fayed klubeko jokalariekin bakarrik gera ez zedin.
BBCri egindako adierazpenetan, 2001 eta 2003 artean taldeko entrenatzaile izan zenak azaldu du talde teknikoak bazekiela Harrods saltokietako jabeari "neska gazte eta ilehoriak gustatzen zitzaizkiola" eta badaezpadako neurri gisa, teknikariek debekatu egin zieten futbolariei harekin bakarrik geratzea.
Al Fayed Fulhamen emakumezkoen taldeko jabea izan zen, 16 urtez.
Zure interesekoa izan daiteke
Hashim Thaçi Kosovoko presidente ohiari 25 urteko kartzela zigorra ezarri diote gerra krimenengatik
Gizateriaren aurkako krimenengatik ezarritako zigorrak, ordea, kendu egin dizkiote. Aurreikusitakoaren arabera, 2045ean beteko du zigorra, 78 urterekin.
Ceutakoaren neurriko migrazio-krisiak kudeatzeko larrialdi-esparru "malgua" proposatu du Von der Leyenek
Gainera, 13 urtetik beherako adingabeei sare sozialak debekatzeko eta 15 urtera arte mugekin erabiltzeko proposamen bat iragarri du Europar Batasunaren presidenteak.
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.