Marine Le Pen eta 26 alderdikide akusatuen aulkian, 6,8 milioi euro bidegabe erabiltzea egotzita
Marine Le Pen Frantziako eskuin muturreko buruzagia akusatuen aulkian jesarriko da gaurtik hasita, Europako Parlamentuko 6,8 milioi euro bere alderdia finantzatzeko erabiltzea egotzita. Epaiketak kolokan jarri lezake Frantziako hauteskundeetara laugarrenez aurkezteko aukera.
Epaiketa gaur abiatuko da, 13:30ean, eta hurrengo zazpi asteotan egingo dute.
Le Penekin batera, Bilgune Nazionaleko 26 kide daude akusatuta, denak ere diru publikoa bidegabe erabiltzeagatik. Delituak 2004. eta 2016. urteen artean jazo ziren, eta Fiskaltzaren arabera, berez europarlamentarien aholkularientzat zen dirua alderdia bera finantzatzeko erabili zuten. Besteak beste, honako hauek daude auzipetuen artean: Marine Le Penen ahizpa, bere aholkularietako bat, Louis Aliot bikotekide ohi eta Perpiñango alkatea, eta Jean Marie Le Pen aita eta Fronte Nazionaleko sortzailea daude. Azken hori ez da epaiketan izango, osasun arazoak tarteko.
10 urteko kartzela zigorra, milioi bat euroko isuna, eta 10 urteko gaitasungabetzea ezar diezazkiokete. Zigortuko balute, Le Pen ezingo litzateke aurkeztu 2027ko bozetara.
Le Penek akusazio guztiak ukatu ditu, eta "justiziak jazarri" duela salatu du. Horren ustez, "boterera heltzea saihestu nahi dute". Bilgune Nazionalak inoizko ordezkaritza handiena (143 eserleku) eskuratu zuen Frantziako legebiltzarreko hauteskundeetan, hirugarren alderdi bozkatuena izan bazen ere.
Buruzagi ultraeskuindarraren gertukoen arabera, epaiketan egon egongo da, bere jardun politikoa handia bada ere.
10 urteko ikerketa
Ikerketa 2014an hasi zuten Frantziako justiziak eta Iruzurraren kontrako Europako Bulegoak, eta urteotan ia 2.500 proba bildu dituzte. Urte hartan, orduko Fronte Nazionalak (gerora Bilgune Nazionala bihurtu zena) Europako hauteskundeak irabazi zituen Frantzian, eta 24 ordezkari eskuratu ganberan.
Europarlamentari bakoitzak 23.000 euro zituen hilero aholkulariak kontratatzeko. Bada, Fiskaltzaren arabera, dirutza alderdia finantzatzeko eta kideen nominak ordaintzeko erabili zuten. Fronte Nazionalak krisi ekonomiko latza gainditzea lortu zuen modu horretara (Parisen zuen egoitza historikoa saldu behar izan zuten, hori bai).
Fiskaltzak Jean-Marie Le Pen orduko liderra—30 urtez izan zen europarlamentari— jarri du amarruaren buru, baina zehaztu Marine alabak sistemari eutsi ziola.
Akusazioaren arabera, Le Penek Europako ganberako dirua erabili zuen bere kabinete buruaren eta bizkartzainaren soldatak ordaintzeko. Bien bitartean, ustez europarlamentarien aholkulariak zirenak apenas zapaldu zuten Estrasburgo.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.