Trumpek Susie Wiles aukeratu du Etxe Zuriko kabineteburu izateko
Donald Trump AEBko presidente hautetsiak lehen izendapena egin du jada: Susie Wiles, hauteskunde kanpainako zuzendarietako bat izan dena, aukeratu du Etxe Zuriko kabineteburu izateko.
AEBko 250 urteko historian, bera izango da lehen kabineteburu emakumea. Administrazioko kargurik garrantzitsuenetako bat da, eta presidentearen kabineteko kide guztiak koordinatzeaz arduratzen da.
"Susie Wilesek AEBko historian izandako garaipen handienetako bat lortzen lagundu dit, eta 2016ko eta 2020ko kanpaina arrakastatsuenetan parte hartu du", nabarmendu du Trumpek ohar bidez.
Buruzagi errepublikanoaren arabera, "emakume indartsua, azkarra, berritzailea eta mundu zabalean errespetatua da Wiles. Ohorea da Susie izatea AEBko historiako lehen kabineteburua. Ez dut zalantzarik, gure herrialdea harro egoteko moduan jardungo du".
Asteartean, garaipena aldarrikatzeko hitzaldian bertan, Wilesi aipamen berezia egin zion Trumpek. "Utzidazue Susiek eta Chrisek (LaChivita) —biak ala biak izan dira kanpainako buru— egindako lanarengatik esker beroena ematen. Susieri bigarren maila batean egotea gustatzen zaio, baina ez dago inondik inora bigarren mailan", esan zuen.
Zailtasunei aurre egiten iaioa
Wiles (New Jersey, 1957) eskarmentu handiko aholkularia da, eta Floridan jardun du bereziki. 2016an, estatu horretarako Trumpen kanpaina zuzendu zuen, eta Ron DeSantisi gobernadore izaten lagundu zion bi urte geroago, 2018an.
NBC News telebista katearen arabera, Wiles "zorigaitzetara ohituta dago". Pat Summerall futbol jokalari ezagunaren alaba da, eta 90eko hamarkadan gutuna idatzi zion aitari, bere alkoholismoak lotsatzen zuela esanez. Antza, Summerallek berak gerora aitortu zuenez, eskutitz hura erabakigarria izan zen alkohola uzteko.
Raymond Donovan Lan idazkari nagusiaren idazkaria ere izan zen Wiles. Donovan ikerketapean egon zen mafiarekin zituen loturak tarteko, eta dimisioa aurkeztera bultzatu zuen, fiskalak hura ez auzipetzea eskatu bazuen ere.
Zure interesekoa izan daiteke
Landetako baso-sutea berpiztu da eta 1.600 hektarea erre ditu
Oraingoz, 500 biztanle inguru ebakuatu dituzte sugarrak Luglon herrira hurbildu ahala.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.
Nigel Farage ultranazionalista EBko Parlamentura itzuli da, Clactongo hauteskundeak irabazi ostean
Alderdi nagusiek boikota egin diete hauteskunde horiei, Faragek iritzi publikoaren aurrean bere burua indartzeko egin duen “pantomima bat” izan dela iritzita.
Ikuskizun bikoitza Stonehengen: eguzki-eklipsea eta Pertseidak, gau historiko batean
Stonehenge gau ahaztezin baten agertoki bihurtu da. Eguzki-eklipse partziala izan ostean, monumentu megalitikoak zerura begira jarri du berriro, Pertseiden unerik ikusgarrienaz gozatzeko. Milaka lagunek bat egin dute hitzordu astronomiko bikoitzarekin.
Espainiar bat, Kolonbiako lurrikaran hildakoen artean
Herrialdearen ipar-mendebaldean 7,4 graduko lurrikararen ondorioz 273 pertsona hil eta 3900 inguru zauritu dira.
Eguzki-eklipseak Europa eta Afrikako iparraldea zeharkatu ditu: Islandiatik Aljeriaraino
Ilargiaren itzalak Europa eta Afrika iparraldea zeharkatu ditu, besteak beste. Espainian ez ezik, eguzki-eklipseak Islandian, Italian, Frantzian edo Ingalaterran eta Ipar Afrikan (Tunisian eta Aljerian, esaterako) irudi ikusgarriak utzi ditu.