"The Wall Street Journal"en arabera, Siriako kurduen aurkako erasoaldi handi bat prestatzen ari da Turkia
AEBko The Wall Street Journal egunkariak jakitera eman duenez, Turkia eta milizia aliatuak indarrak metatzen ari dira Siriako mugan, eta horrek pentsarazten du Ankara prestatzen ari dela Siriako kurduen kontrolpeko lurraldean eskala handiko erasoaldi bat egiteko.
Egunkariak AEBko goi-funtzionarioek emandako informazioa aipatzen du, baina ez du izenik esan, eta, dioenez, indarrek Turkiako milizianoak eta uniformedun komandoak eta artilleria ugari batu dituzte Kobanitik gertu; hiri hori Siriak Turkiarekin duen iparraldeko mugan dago, eta gehiengo kurdua dago bertan.
Abenduaren hasieran Al-Assaden erregimena erori zenean hasi zen Turkia tropak metatzen Siriako mugan, eta antzeko mugimendua egin zuen 2019an herrialde horretako ipar-ekialdea inbaditu aurretik.
Ilham Ahmed Siriako kurduen administrazio zibileko funtzionarioak astelehenean Donald Trump AEBko presidente hautatuari esan zion litekeena zela Turkiak operazio militar bat egitea, eta Recep Tayyip Erdogan Turkiako presidenteari presio egin ziezaion eskatu zion, mugaren beste aldera tropak ez bidaltzeko.
Ahmeden esanetan, Turkiaren helburua "gure lurraren (Siriaren) gaineko kontrola ezartzea da, zuk (Trumpek) kargua hartu baino lehen, eta horrek gure lurraldeko agintari gisa haiekin harremanak izatera behartuko zintuzke", idatzi zion Ahmedek Trumpi AEBko egunkariak eskuratu ahal izan duen gutun batean. "Turkiak bere inbasioa burutzen badu, ondorioak katastrofikoak izango dira", azpimarratu du.
Kurduek gidatutako Siriako Indar Demokratikoek AEBko tropekin bat egin zuten Siriako ipar-ekialdean Estatu Islamikoari aurre egiteko, baina, orain, Turkiaren mehatxuak egoera ahulean utzi ditu kurduak Bidenen administrazioak lekukoa eman aurretik.
AEBko Estatu idazkariak, Antony Blinkenek, Turkiara bidaiatu zuen joan den astean, Erdoganekin Siriaren etorkizunari buruz eztabaidatzeko eta Ankarak kurduen aurkako operazioak murriztuko zituela bermatzeko. Baina elkarrizketek porrot egin zuten astelehenean, akordiorik gabe, Siriako Indar Demokratikoen bozeramaile baten arabera.
Siriako Indar Demokratikoak orain "pilaketa militar garrantzitsuak" ikusi ditu Kobani hiriaren ekialdean eta mendebaldean, Ahmedek gutunean gaineratu zuenez.
Al-Assad boteretik kentzeak ziurgabetasun egoeran utzi zuen Siriaren etorkizuna, eta borroka berriak hasi ziren Siriako kurduen eta Turkiak babestutako talde matxinoen artean.
Bere lehen agintaldian, Trumpek AEBren tropak partzialki erretiratu zituen Siriako ipar-ekialdetik, eta horrek Turkiak eskala handian egindako inbasio bat ahalbidetu zuen. Erasoaldi horretan milaka pertsona hil eta desplazatu utzi zituen.
Azkenean, Trumpen administrazioak su-etena negoziatzen lagundu zuen, kurduek mugako lurrak Turkiaren esku uztearen truke.
Ahmedek "diplomaziaren ikuspegi bakarra" erabiltzeko eskatu dio orain presidente hautetsiari, Erdogani edozein operazio gelditzeko konbentzitzeko: "Hondamendia saihesteko boterea duzula uste dugu. Erdogan presidenteak entzun zaitu, eta zure deiari erantzungo diolakoan gaude".
Zure interesekoa izan daiteke
Defentsa gastua % 5era ez igotzeagatik "aprobetxategi" galanta izatea leporatu dio Trumpek Espainiari
"NATOren ia aliatu guztien konpromisoa dut Defentsara bideratzen duten gastua (BPGaren) % 5era igotzeko; guztiena, Espainiarena izan ezik... Ez dakit zer gertatzen den Espainiarekin", adierazi du Trumpek Davosen, Bake Batzordea eratzeko ekitaldian.
Trumpek berak sustatu duen Bake Batzordearen eratze-akta sinatu du
Davosko Foroaren (Suitza) auditorium nagusian egin da gaur goizean Bake Batzordea eratzeko ekitaldia. Hasiera batean, Gazarako bake plana ikuskatzeko sustatu du, baina orain beste gatazka batzuetara ere zabaldu nahi du.
Groenlandiako krisiari amaiera eman behar dion aurreakordioaren lau oinarriak
Asteazkenean AEBk eta NATOk Davosen (baina Munduko Ekonomia Forotik at) lortutako aurreakordioa lau zutabetan oinarritzen da. Horren barruan, Artikoko uhartean "Urrezko Kupula" misilen kontrako ezkutua eraikitzeko AEBko tropak ezartzeko akordioa birnegoziatzea eta Danimarkako lurralde autonomoan inbertsioak kontrolatzea sartzen dira.
Rutteren esanetan, Groenlandiako subiranotasuna "ez zen eztabaidatu" Davosen Trumpekin izandako bileran
Danimarkako Gobernuak "txalotu" egin du Trumpek "Groenlandia indarrez hartzea baztertu eta gerra komertziala bertan behera utzi izana". Mette Frederiksen Danimarkako lehen ministroaren esanetan, "gai politiko guztien inguruan negozia dezakegu: segurtasuna, inbertsioak, ekonomia. Baina ez dugu gure subiranotasunaren inguruan negoziatuko".
EBko 27en buruzagiak gaur bilduko dira erantzun bateratua adosteko, Trumpek mehatxuak erretiratu dituen arren
Washingtonekin gerra komertziala berriz irekitzea edo Trumpen "hertsaduraren" aurrean koertzioaren aurkako mekanismoa aktibatzea baloratu dute egunotan. Atzo, ordea, AEBko presidenteak iragarri zuen Europari muga-zerga berriak ezartzeko mehatxua bertan behera utziko zuela.
Europako Parlamentuak justiziara eraman du EB-Mercosur akordioa: orain zer?
Europar Batasuneko Justizia Auzitegiak 18 eta 24 hilabete bitartean eman ditzake erabakia hartzeko.
NATOrekin Groenlandiari buruzko aurreakordioa iragarri du Trumpek, eta muga-zergen mehatxua erretiratu du
Bestalde, Davosen egiten ari diren foro ekonomikoan eman duen hitzaldian, AEBko presidenteak ziurtatu du ez duela indarra erabili nahi Groenlandia bereganatzeko, baina erosi nahi duela berretsi du.
AEBko agintaldi erdiko hauteskundeak, Trumpen hurrengo "hordagoa"
Mid term hauteskundeak, edo agintaldi erdikoak, azaroko lehen astelehenaren ondorengo asteartean egiten dira, hauteskunde presidentzialik ez dagoen urteetan. Ordezkarien Ganberako kide guztiak aukeratzen dira (bi urterik behin berritzen da erabat), eta Senatuaren heren bat (sei urterako aukeratzen dira).
Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.
Timothy Busfield aktorea digitalki ezabatuko dute bere hurrengo filmetik, haurrei sexu-abusuak egin izana leporatu diotela-eta
Urtarrilaren 9an Busfield atxilotzeko agindua eman zen adingabe baten aurkako sexu-abusuak egitea egotzita, eta handik egun batzuetara bera agertu zen agintarien aurrean. Mendekua dela dio, eta adingabeen gurasoek iruzurren historia luzea dutela. Epaile batek bere erantzukizunpean aske uztea agindu du, epaiketaren zain.