Israelek gutxienez 15 pertsona hil eta 20 inguru zauritu ditu Gazaren aurkako urteko lehen bonbardaketan
Gutxienez 15 pertsona hil eta 20 inguru zauritu ditu Israelek 2025ean Gazaren aurka egindako lehen erasoan, Mahmud Basal Zerrendako Defentsa Zibilaren bozeramaileak Telegramen baieztatu duenez.
Bonbardaketa asteazken goizaldean izan da, eta Badra, Abu Warda eta Tarush familien aurka zuzendu dute, Yabalia herrian, Zerrendako iparraldean.
"Munduak ospakizunekin egin dio ongietorria urte berriari, eta guk lehen sarraskiarekin ongietorria eman diogu 2025ari", deitoratu du bozeramaileak.
Gainera, Wafa Palestinako albiste agentzia ofizialaren arabera, beste bi pertsona hil dituzte Bureijeko errefuxiatu-gunearen aurka egindako eraso batean.
Bien bitartean, Gaza hegoaldean, Israelgo Armadak hiru pertsona hil ditu Khan Yunis herriko Manara auzoaren kontrako eraso batean, hedabide berak tokiko informazioa aipatuta zabaldu duenez (Israelek ez du nazioarteko prentsari lurraldera sartzen uzten).
Israelek 45.500 pertsona baino gehiago hil ditu Gazan duela ia 15 hilabete abiatutako erasoaldian, osasun agintarien azken datuen arabera, 24 ordu baino gehiago baitaramatzate eguneratu gabe.
Uholdeak
Bestalde, Gazako Defentsa Zibilak ohartarazi du 1.500 kanpadenda baino gehiago urak hartu dituela Zerrenda osoan, azken egunetako euriteen ostean.
Defentsa Zibilaren arabera, 497 kanpadenda urez bete dira Gazako iparraldean; 170, Rafahn (hegoaldeko muturrean), 665, Khan Yunisen (hegoaldean) eta 210, Deir al-Balahen (erdialdean).
Ondorioak bereziki larriak izan dira Mawasiko "eremu humanitarioan", Gazako hegoaldeko eta erdialdeko kostaldeak zeharkatzen baititu Khan Yunis eta Deir al-Balah hirien ondoan, eta bertan babesten baitira Zerrendako ia bi milioi palestinarretatik gehienak, ia argindarrik eta txorrotako urik gabe.
Asteartean, Israelgo Armadak Nahal brigadaren lekualdaketa iragarri zuen, Rafahko aktiboenetako bat, Zerrendako iparraldean. Brigada horrek urriaren hasieran hasitako setio gogorrak 3.000 pertsona inguru hil ditu, tokiko agintarien arabera, eta milaka palestinar ihes egitera behartu.
Zure interesekoa izan daiteke
EBko Barne ministroek Ceutako krisia aztertuko dute gaur ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kideren babesarekin, Ceutan erregistratutako migrazio-krisia aztertzeko eta Marokotik etorritakoen gorakadari erantzun komuna emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.