Zelenskik ez dio Trumpi barkamena eskatu nahi izan, eta esan du "bake justua" bilatzen jarraituko duela
Volodimir Zelenski Ukrainako presidenteak esan du "errespetua" zor diola Donald Trump AEBko presidenteari, baina ez dio barkamena eskatu nahi izan ostiralean Etxe Zurian izandako liskarragatik. Sare sozialetan zabaldu duenez, Ukrainak "bake justua" lortzeko helburuarekin lan egiten jarraituko du.
"Oso irekiak eta oso zintzoak izan behar dugula uste dut, eta ez zait iruditzen ezer gaizki egin dugunik", adierazi du Zelenskik Fox News telebista-katean, Trumpekin ika-mika izan ostean.
Eztabaida horrek ukrainarrei mesede edo kalte egin ote dien galdetuta Zelenskik erantzun duenez, "inorentzat ez da ona izan".
"Baina ezin dut aldatu Ukrainak Errusiarekiko duen jarrera. Ez dut nahi horregatik hil gaitzaten. Oso oso argi dago gure lagun onenak estatubatuarrak eta europarrak direla, eta Putin eta Errusia gure etsaiak direla. Horrek ez du esan nahi hori horrela izatea nahi dugunik, benetako egoera zein den aitortu nahi dugu", azaldu du.
Zelenskik gehitu du eztabaida "zintzoa" izan zela, baina ez luketela kameren aurrean egin behar.
Ukrainako presidenteak, bestalde, eskerrak eman dizkie estatubatuarrei, Kongresuari eta Gobernuari hiru urteotan babesa emateagatik.
Putin kritikatzera mugatzea leporatu dio Trumpek Zelenskiri
Donald Trump AEBko presidenteak, bere aldetik, adierazi du Zelenskik ez duela "bakea lortu nahi", baizik eta Vladimir Putin Errusiako presidentea kritikatu.
"Ezin du hor geratu eta Putini buruz hau eta bestea esan, gauza txar horiek guztiak", esan du kazetarien aurrean.
Horren harira, gaineratu du Zelenskik esan beharko lukeena "bakea nahi duela" izan beharko litzatekeela.
Ukrainari laguntza militarra murriztearen inguruan galdetuta, hauxe erantzun du: "Ez du axola zer ari naizen pentsatzen. Hau bakarrik esango dizuet: nik ikusi dudana ikusi duzue. Gizon hori ez da bakea bilatzen ari, eta axola didan bakarra odolustea amaitu nahi duen jakitea da".
Hain zuzen ere, The Washington Post egunkariaren esanetan, Trumpen gobernua Ukrainari laguntza militar gehiago ez bidaltzea pentsatzen ari da, ostiraleko eztabaidaren ostean.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.