Trumpek gaur hitz egingo du Putinekin, eta Ukrainarekin su-eten akordioa onartzea espero du
Donald Trump AEBko presidenteak uste du Errusiarekin negoziazioa ondo doala Ukrainan su-eten akordioa aurrera eramateko, eta, Etxe Zuriak zabaldutako informazio baten bidez, adierazi du astearte honetan Vladimir Putin Errusiako presidentearekin hitz egingo duela.
Ordu batzuk lehenago, agintari estatubatuarrak adierazi zuen Putinek akordioa onartuko duelakoan dagoela. "Uste dut ados egongo dela. Benetan sinesten dut. Uste dut nahiko ondo ezagutzen dudala eta ados egongo dela", esan du Full Measure saioan egindako elkarrizketa batean.
Gaineratu du, era berean, onartuko ez balu, "albiste txarra izango litzatekeela mundu guztiarentzat, jende asko hiltzen ari baita", gaineratu du.
Trumpek gogorarazi du gatazka eteteko akordioa lotuta dagoela Ukrainarekin, eta Washington Errusiarekin ere ixten saiatzen ari dela. "Astelehenean gehiago jakingo dugu, eta zorte ona badugu, ona izango da", gaineratu du buruzagi errepublikanoak.
Joan den urtarrilaren 20an bigarren agintaldia hasi aurretik, ziurtatu zuen boterea hartu eta lehen 24 orduan gatazkarekin amaituko zuela. "Sarkastikoa izaten ari nintzen hori esatean. Konpondu nahiko nukeela esan nahi nuen, baina uste dut arrakasta izango dudala", ziurtatu du.
Mike Waltz Etxe Zuriko Segurtasun Nazionaleko aholkulariak Fox Newsen adierazi duenez, Trump da hori lor dezakeen agintari bakarra.
"Badakigu norekin ari garen lanean alde guztietan, eta diplomazia-lanean jardungo dugu, makilaren eta azenarioaren estrategia jarriko dugu martxan, bi aldeak mahaian esertzeko, baina baita modu iraunkorrean konpontzeko ere", esan du.
Joan den ostegunean, Steve Witkoff AEBko Ekialde Ertainerako ordezkaria buru zuen ordezkaritza Putinekin bildu zen Moskun, aste honetan Saudi Arabian Washingtonek eta Kievek adostutako 30 eguneko su-etenari buruz hitz egiteko.
Putinek azpimarratu zuen su-etenaren alde dagoela, baina ohartarazi zuen arazoak ikusten dituela hura aplikateko eta egiaztatzeko, eta adierazi zuen nahiko lukeela AEBko homologoarekin telefonoz hitz egin. Trumpek ez zuen esan nahi elkarrizketa hori izan duten, baina esan zuen berarekin hitz egiten ari direla eta "nahiko ondo" doala.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.