Ukrainaren eta AEBren ordezkaritzen arteko Riadeko bake negoziazioa "emankorra" izan dela adierazi dute
Espero baino egun bat lehenago, Ukrainaren eta AEBren ordezkaritzek bilera egin dute igande honetan Riaden, eta bost orduko negoziazioen ostean, bilera "emankorra" izan dela adierazi dute bi aldeek. Instalazio energetikoei eta azpiegitura kritikoei buruzko su-eten partziala izan dute ardatz negoziazioetan.
"Amaitu dugu talde estatubatuarrarekin egin dugun bilera. Eztabaida emankorra izan da (...). Funtsezko puntuak jorratu ditugu, hala nola energiaren gaia", adierazi du Rustem Umerov Ukrainako Defentsa ministroak X sare sozialean zabaldutako mezu batean.
Ukrainaren ordezkaritzaren buruak azpimarratu duenez, Volodimir Zelenski Ukrainako presidentearen helburua "bake justu eta iraunkorra ziurtatzea da", bai Ukrainarentzat baita "hedaduraz, Europa osoarentzat" ere. "Helburu hori gauzatzeko lanean ari gara", adierazi du Defentsako ministroak.
Umeroven mezuaren aurretik, Zelenskik berak iragarri du "oso ondo" zihoazela negoziaketak. "Rustem Umerov gure Defentsa ministroarekin hitz egin berri dut, eta hark negoziazioen aurrerapenaren eta bileraren berri eman dit. Gure taldea erabat modu eraikitzailean ari da lanean. Elkarrizketa oso baliagarria izaten ari da", adierazi du Ukrainako estatuburuak gauero eman ohi duen bideomezuan.
Zelenskik azaldu duenez, jada lau ordu zeramatzaten ordurako Ukrainako eta AEBko ordezkariek bilduta eta bihar han jarraitu edo ez, gaurko negoziaketek ematen dutenaren arabera erabaki behar zuten.
Ukrainako Defentsa ministro Rustem Umerovek, Gobernuko buruorde Pavlo Palisak eta profil teknikoagoa duten energia eta portu-azpigieturetako aditu talde batek osatutako delegazioa du Ukrainak Saudi Arabian.
Bestalde, astelehenean iritsiko da Riadera Errusiako Senatuko Nazioarteko Gaietako Batzordearen buru Grigori Karasin, Segurtasun Zerbitzu Federalaren zuzendari eta aholkulari Serguei Beseda, eta negoziazioetan aditu diren bi lagun, Kremlinek aurreratu duenaren arabera.
Ukrainak bertan jarraitzen badu, bi ordezkaritzak gela ezberdinetan egongo dira, AEBk bi aldeak bereizita izan nahi baititu elkarrizketetan, areto batetik bestera ibiltzeko gero bitartekari lanak egiten.
Estatu Batuak, baikor, Putinek bakea nahi duelakoan
Steve Witkoff, Donald Trump AEBko presidentearen aholkulari nagusietako bat baikor agertu da igande honetan Saudi Arabian egiten ari diren bilerak direla eta. Testuinguru horretan, adierazi du uste duela Vladimir Putin Errusiako presidenteak "bakea nahi" duela. "Iruditzen zait bakea nahi duela", esan du Witkoffek Fox News Witkoff katean egindako elkarrizketan.
Witkoff funtsezkoa izan da negoziazio horietan, Trumpen ordezkari nagusia izan baita Errusiako presidentearen aurrean, eta bi aldiz bildu da harekin Moskun.
Zazpi pertsona hil ditu bart Errusiak Kieven
Ukraniako presidente Volodimir Zelenskik salatu duenez, gutxienez zazpi lagun hil ditu Errusiak —tartean, 5 urteko haur bat—, eta hamar zauritu, bart Kieven aurka burututako aire-erasoetan.
150 drone jaurti ditu Errusiak azken orduetan, eta "eguneroko errealitatea" hori dela salatu du Ukrainako presidenteak.
Erasoak Riadeko topaketaren aurreko orduetan gertatu dira.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.