15 paramedikuren hilketarekin lotutako akatsak onartu ditu Israelgo Armadak, eta ofizial bat kargugabetu du
Israelgo Armadak onartu du "gaizki ulertuak" eta "akatsak" egon zirela iragan martxoaren 23ko Rafahko erasoetan. 15 paramediku, erreskate taldeetako langileak eta NBEko behargin bat hil zituen egun hartan Israelek, eta eraso horri buruz esan du "ikuspen gutxi" zegoenez, brigadako komandanteordeak ez zituela anbulantziak ezagutu. Hori horrela, kargutik kendu dute komandanteordea, eta kargu hartu diote komandanteari.
Gertatutakoaren gaineko ikerketaren laburpenean azaltzen dute hainbat tiroketa egin zituela Israelek anbulantzien, suhiltzaileen autoaren eta NBEren ibilgailuaren kontra. Ilargi Gorriko eta Gazako Defentsa Zibileko kideak zihoazen ibilgailu horietan, eta, Armadaren arabera, Hamaseko sei miliziano ere bazeuden.
Txostenak zehazten duenez, "Hamaseko zenbait ibilgailu" erasotu zituzten lehenik, eta ondoren —ordubete geroago— anbulantzien eta suhiltzaile autoaren aurkako erasoak hasi zituzten. "Mehatxatuta" sentitu zirela, eta, horregatik, horien kontra ere oldartu zirela azaldu dute txostenean.
Hirugarren erasoa handik 15 minutura iritsi zen (NBEren ibilgailu bati tiro egin zioten). Aipatu iturriek argitu dute "arauak urratzen zituzten akatsak egin zituztela". Azken eraso horretan NBEko kide bat hil zuten.
Kontakizuna "faltsua" eta "kontraesankorra" dela esan du Ilargi Gorriak
Palestinako Ilargi Gorriaren zuzendari Yunis al Jatibek kritikatu du "faltsua" eta "kontraesankorra" dela Israelek egin duen ikerketa militarra.
Al Jatiben hitzetan, militar israeldarrek anbulantzietako langileekin hitz egin zuten erasoa gertatu aurretik. Horregatik, "gezurretan" ari direla salatu du.
Gainera, baieztatu du tiroketa gertatu zela onartu duten arren, militarrak ez dituztela epaituko.
Zure interesekoa izan daiteke
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.